KQZ certifikon Rezultatet e zgjedhjeve për Kuvende Komunale

Komisioni Qendror i Zgjedhjeve, KQZ, ka certifikuar rezultatet e zgjedhjeve për kuvende komunale në Kosovë.

Kështu, Lidhja Demokratike e Kosovës renditet e para me 170.134 vota dhe 206 këshilltarë komunal në vend aq sa ka edhe Partia Demokratike e Kosovës ndonëse ka marrë 161.645 vota.

Lëvizja Vetëvendosje ka siguruar 193 ulëse në Kuvendet Komunale me 168.084 vota.

Aleanca për Ardhmërinë e Kosovës me 9863 vota do të ketë 120 këshilltarë komunal në gjithëvendin, Nisma 21 me 18.455 vota, Aleanca Kosova e Re do të ketë vetëm 8 këshilltarë pasi ka marrë vetëm 10.277 vota e Lista e pavarur Bekim Jashari do të ketë në Skenderaj 10 ulëse pasi ka marrë 6.694 vota.

Lista Srpska në komunat ku ka garuar do të ketë 147 këshilltarë komunalë.

Në kryeqytet, aty ku gara për Kryetar të Komunës vazhdon të jetë e ngushtë, Vetëvendosje do të përfaqësohet me 17 këshilltarë, LDK me 14 dhe PDK me 9 këshilltar në në Kuvendin Komunal të Prishtinës.

Rezultatet e Zgjedhjeve Lokale të 17 Tetorit mund t’i gjeni Këtu: