Debatet/ Basha: Rama s’mund të fshihet, përgjegjësi nr 1 për negociatat…

Kryetari i Partisë Demokratike, Lulzim Basha, akuzoi Kryeministrin Edi Rama si përgjegjësin numër 1 në shtyrjen me 1 vit të vendimmarrjes mbi hapjen ose jo të negociatave. Basha tha se séance nuk mund të vazhdojë pa prezencën e përgjegjësit kryesor në këtë situatë.

“Edi Rama nuk mund të fshihet, nëse nuk i mbajnë këmbët për atë që ka ndodhur, ai s’mund t’I shmanget debatit”, tha Basha.

Ndërkohë më herët, kreu i Grupit Parlamentar democrat, Edmond Spaho, kërkoi praninë e Kryeministrit Edi Rama për të debatuar për çështjen e integrimit europian të vendit, në kushtet kur Shqipërisë nuk iu dha drita jeshile.

Kryetari i parlamentit Gramoz Ruçi që ka debatuar me kreun e Grupit të PD, Edmond Spaho, duke i kërkuar të dorëzojë listën e diskutantëve pasi ai nuk mund ta detyronte Ramën të vinte pa pasur interpalncë apo seancë pyetjesh.

DEBATI

Spaho: Duhet të jemi të sinqertë se debati do të bëhet për problemin e integrimit dhe pa prezencën e Kryeministrit nuk më duket serioze që ta fillojmë debatin.

Ruçi: i dashur kryetar i Grupit, ju lutem mos më vini në pozita në kundërshtim me rregulloren. Unë jam kryetar i parlamentit dhe kryeministrin e detyroj të vijë këtu në qoftë ju e kërkoni në interpelancë apo seancë pyetjesh me të. Është e drejtë e tij kur vjen dhe si vjen. Prandja ju lutem shumë dorëzoni listën e diskutantëve. Të tre kryetarët e grupeve nuk kanë prurë listat. Ndaj dhjetë minuta pushim derisa të vijnë listat nga kryetar e Grupeve.”