Spitalet plot, pacientët nga Holanda transportohen në Gjermani

Holanda ka filluar të transportoj pacientët e sëmurë me covid jashtë kufijve në Gjermani në mënyrë që të lehtësoj presionin mbi spitalet që po luftojnë me rritjen e numrit me koronavirus.

Një pacient është transportuar me ambulancë nga Rotterdam në spitalin e Bochumit, rreth 240 kilometra në lindje, dhe brenda ditës do të transportohet edhe një pacient kanë bërë të ditur autoritetet shëndetësore.

Numri i pacientëve me covid në spitalet holandeze është rritur gjatë javëve të fundit dhe priten nivelet rekord të infeksionit.

Ofrohen 20 krevate

Spitalet gjermane kanë ofruar 20 krevate për pacientë nga Holanda, pasi gjatë valëve të kaluara të pandemisë kanë shëruar dhjetëra pacientë.

Planet e qeverisë holandeze për vendosjen e kufizimeve tjera në mënyrë që të parandalojnë përhapjen e mëtejme të koronavirusit kanë shkaktuar protesta për gjatë tre netëve ku janë arrestuar më shumë se 170 qytetarë.

Ndryshe, dje dhe sot, 470 nga 1.050 krevate të kujdesit intensiv sa janë në Holandë janë zënë me pacientët e sëmurë me covid, e spitalet tashmë kanë filluar të reduktojnë procedurat e zakonshme, duke përfshirë edhe kurimin me kancer dhe operacionet e zemrës, në mënyrë që sigurojnë vende të mjaftueshme për të infektuarit me covid.