Me demokratët shqiptar në SHBA, Berisha: “Foltorja”, thirrje për protesta deri në rivendosjen e votës së lirë!

Lideri historik i Partisë Demokratike, Sali Berisha, sot kishte një “Foltore” të veçantë me demokratët shqiptarë në SHBA nga e cila përveç kërkesave të veçanta demokrate kishte dhe meazhe të prera nga lideri i tyre i cili vazhdojn të jetë i vetmi tek i cili kanë besim.

Kuvendi Kombëtar i 11 Dhjetorit, tha Berisha, do të jetë dhe dita e instalimit të vlerave konservatore në Shqipëri ndërsa u zotua se do të angazhohet që të zhvillohen protesta deri në rivendosjen e votës së lirë për qytetarët.

Ndërsa renditi dështimet e Edi Ramës dhe Qeverisë së tij, Ish-Presidenti Sali Berisha tha se opozita shqiptare në pamundësi të plotë nuk arriti asnjëherë të imponojë zgjedhje të lira e të ndershme dhe bëri të kundërtën, duke ndjek modelin e kundërshtarit, armik të votës. Ndaj kjo lëvizje, tha ai, synon t’i japë vendit një opozitë të vërtetë, që qëndron fuqishëm ndaj regjimit, një opozitë që të ngjall shpresë dhe besim te qytetarët shqiptarë.

“Për shqiptarët alternativë e vetme sigurie për jetën ka mbetur largimi masiv nga Shqipëria. Sot, ata paguhen më pak se të gjithë popujt e Ballkanit, në një kohë kur paga e tyre mesatare ishte më e larta në Rajon. Ata paguajnë për shërbimet e tyre çmimet më të shtrenjta në Evropë e më gjerë. Sot, ata përballen me pasiguri të madhe për jetën, për pronën e tyre. Përballen gjithashtu me një mjerim në thellim, mjerim të cilin varfëria ekstreme është rritur me 3 dhe katër herë. Mbi të gjitha të dashur miq të mi, shqiptarët kanë humbur zemrën e kalasë së tyre, votën e lirë, prej 8 vitesh, shoqëria shqiptare voton narko-qeveria shqiptare numëron votat.

Opozita shqiptare në pamundësi të plotë nuk arriti asnjëherë të imponojë zgjedhje të lira e të ndershme. Bëri të kundërtën, gradualisht ajo ndoqi modelin e kundërshtarit, armik të votës. Deformoi votën brenda PD, por për të gjithë ne, është e qartë si drita e diellit se vota e lirë është ADN e të gjitha vlerave të lirisë. Është AND e ligjeve dhe shtetit ligjor. Ndaj dhe kjo lëvizje e cila synon t’i japë vendit një opozitë të vërtetë, që qëndron fuqishëm ndaj regjimit, një opozitë që të ngjall shpresë dhe besim te qytetarët shqiptarë. Natyrisht, me qëllimin e saj të çmontojë narko-shtetin dhe të rikthejë në Shqipëri ligjin e vlerat konservatore të cilat kanë bërë botën e lirë. Më 11 dhjetor ne rithemelojmë de facto PD, e cila u largua nga këto vlera. Më 11 dhjetor, ne ngremë përsëri në Tiranë monumentin e pluralizmit politik. I japim vendit opozitën e vërtetë, për karshi asaj të marrur peng nga narko-qeveria. Ata që themeluan PD në vitet ’90 e dinë mirë përpjekjet e qeverisë dhe Ramiz Alisë në atë kohë për të penguar themelimin, por dua të jemi të hapur, pas themelimit të saj, e pranuan zhvillimin dhe zhvillimet e mëpasshme,” tha Berisha duke shtuar se PD i priu revolucionit të përmbysjes së komunizmit.

“Edi Rama, që shfaq në të gjitha mënyrat trashëgiminë e tij barbare ia doli të marrë peng opozitën me krimin më të shëmtuar politik të kohërave. Ia doli ta shtrojë atë në fasadë për shkak se kryetari i saj i cili kalon në 8 vite nga disfata në disfatë ia lejon vetes të implikohet në aferat e tilla që kurrë një njeri i virtytshëm nuk do ia lejonte. Ja sepse 11 dhjetori është rithemelimi i PD. Vështirësitë, nuk mungojnë, por nga ana tjetër ky është një revolucion paqësor dhe i pa ndalshëm. Mjerë ata që mendojnë t’i dalin para dhe të ndalojnë këtë përpjekje për liri të shqiptarëve. Nuk ka asgjë që mposht njerëzit që luftojnë për lirinë e tyre. Të vendosur për çdo vendim deri në fitoren e plotë të kauzës së tyre të drejtë. Keni dëgjuar nga peng kryetari që kjo lëvizje është anti-amerikane. Unë ju garantoj që kjo është lëvizja më pro amerikane që nga viti ’90 e këndej. Realiteti është, e vërteta është që po bëjmë gjithçka që norma dhe standard të cilat e kanë bërë Amerikën vendin e lirive t’i vendosim në Shqipëri, e ne do t’ia dalim,” u zotua lideri historik i PD para demokratëve të SHBA.

Edhe me këtë rast, Berisha sqaroi se nuk po e shfrytëzon “Foltoren” për të ruajtur dinjitetin e tij, pasi këtë gjë po e bën nëpërmjet padisë së hapur në Francë, ndaj Sekretarit amerikan të Shtetit, Antony Blinken, por beteja e tij është që të vendosë demokracinë në Shqipëri dhe të formojë një PD me vlera konservatore.

“Me George Soros s’kam pasur kurrë asgjë personale, gjithçka që kam patur kam pasur me qëndrimet e tij anti-demokratike e anti-shqiptarëve ndaj shqiptarëve. Për mua ndarja e kufijve të Kosovës ka qenë një lëvizje anti-kombëtare. Siç është për mua Ballkani i Hapur që s’është gjë tjetër vetëm rikthimi i plotë i influencës serbe mbi shqiptarët dhe rajonit. Foltorja sigurisht është ngritur në mbrojtje të interesave kombëtare të shqiptarëve. Foltorja nuk ka asnjë lidhje me shpalljen ‘non grata;, pasi unë kam paditur për shpifje Sekretarin e Shtetit në Gjykatën e Francës.

E madje nuk kam kërkuar ndihmë për të ç’bërë vendimin e tij. Shpallja e gjyqit është ajo që kam zgjedhur unë e jo foltore për dinjitetin tim. Shumë prej jush janë angazhuar me shkresa e ligje, mirënjohja ime është e pa kufijshme. 100 vite të kërkojnë në arkiva kurrë nuk do të gjejnë një dokument të vetëm që të faktojnë akuzën e turpshme që i kanë bërë Sali Berishës. Ju ftoj ta vijojmë këtë betejë së bashku për rivendosjen e demokracisë në Shqipëri. Të vazhdojmë betejën tonë për ta bërë Shqipërinë të lirë. Për ta barë PD një forcë të vërtetë konservatore. Për t’i dhënë shqiptarëve mundësinë të votojnë si qytetarë të lirë dhe të shembin narko-shtetin që po rrënon kombin shqiptar,” tha lideri historik i PD duke treguar dhe arsyet pse u rikthye sërish në politikë.

“Më datë 20 maj, pasi mendoja pothuajse gjithë natën përse ma bënë këtë, çfarë kam bërë? Kam punuar për 30 vite për atdheun dhe arrita në përfundimin se nuk kishte qëllim tjetër veçse mbrojta që i kam bërë Kosovës. Menjëherë vendosa, nga një njeri që isha betuar të mos kthehesha në politikë, të kthehem fuqishëm për të mbrojtur Kosovën, interesin publik, deri në fund të jetës time. ju bëj thirrje, duke e ditur rolin e jashtëzakonshëm tuaj që të mobilizoni forcat për të mbrojtur Kosovën nga projektit e Vuçiç dhe veglës së tij Ramës në Tiranë,” tha Berisha ndërsa kishte dy fjalë për zonjën ambasadore, që, siç tha, shpesh ia lejon vetes të bëhet Sekretare e PS.

“Dy momente janë të pa pranueshme, përgëzimi që ju bëj zgjedhjeve në kundërshtim me çdo kod, rregull dhe qëndrim ndaj votës së lirë nga SHBA-të. Së dyti thirrja që ju bënë gazetarëve për të vendosur censurë ndaj foltores dhe Sali Berishës. Kjo për mua përbën një shkelje të rëndë. Këto momente gjykoj unë, jo që nuk janë amerikane, por mbretërinë e censurës dhe Geroge Soros e interesat e tij. Asgjë nuk humb respektin tonë për vendin e madh të lirisë. PD në pushtet do të ndërtojë marrëdhëniet miqësore më të shkëlqyera me vendin ku ju jetoni.”

Ndërsa zhvillohej “Foltorja” me shqiptarët e SHBA, lideri historik i demokratëve, Sali Berisha, bëri një ndërhyrje duke u shprehur se sapo ishte ndarë nga jeta senatori dhe miku i madh i shqiptarëve, Bob Dole.

“Të dashur miq, e lidhur me ‘Foltoren’ në kauzën e saj, por me kauzën shqiptare për liri, i hidhur është lajmi që sapo mora. Ndarjen nga jeta të njërit prej miqve më të shquar të të gjitha kohërave të shqiptarëve, heroit të vërtetë të kombit amerikan, senatorit dhe ish-kandidatit për presidenti të SHBA, Bob Dole.

Ju ftoj ta nderojmë me 1 minutë heshtje kujtimin e ndritur të këtij miku që borxhin nuk i dalim kurrë, për mbështetjen e tij të jashtëzakoshme që u dha shqiptarëve në Kosovë, SHBA dhe kudo,” tha Sali Berisha.

Në fund, lideri historik i Partisë Demokratike, Sali Berisha, para demokratëve të SHBA tha se “Foltorja” është një thirrje e fuqishme për protestë ndërsa u zotua se do të angazhohet që të zhvillohen protesta deri në rivendosjen e votës së lirë për qytetarët.

“Edhe Foltorja është një thirrje e fuqishme për protesta. Në çdo Foltore ku shkoj, i rikujtoj shqiptarëve një thënie, bashkatdhetarët e mi, po votojnë me këmbët e tyre, nëse nuk votojmë me këmbët tona ju garantojmë se nuk do të votojmë dot në duart tona. Po angazhohemi në protesta të fuqishme që kanë vetëm një qëllim, të hapin rrugën shqiptarëve për të votuar të lirë si të gjithë qytetarët e vendeve të lira. Ky do të jetë objektivi kryesor i tyre.”