Parashikimi i motit për datë 9 Dhjetor, ja çfarë pritet

Parashikimi i motit për datë 9 Dhjetor:

Sot priten reshje intensive në qarkun e Shkodrës dhe mesatare në të gjithë qarqet e tjerë.

Sipas llogaritjeve të IGJEO, pas mesditës së ditës së sotme priten reshje mesatare pothuajse në të gjithë territorin. Në zonat urbane mund të shfaqen probleme me përmbytje të lokalizuara, në varësi të gjendjes së kanalizimeve. Gjithashtu pritet që prurjet e lumenjve kryesorë të pësojnë rritje.

Në pjesën më të madhe të qarqeve reshjet pritet të arrijnë lokalisht deri intensive dhe do të shoqërohen me shtrëngata.

Era pritet të fryjë e lehtë deri mesatare, ndërsa në bregdet e fortë.

Temperaturat minimale dhe maksimale:

Në bregdet: 9 / 16 °C

Në vendet e ulëta: 8 / 17 °C

Në vendet malore: 3 / 9 °C