Reshjet e shiut dhe borës, ARRSH: Pajisuni me zinxhirë!

Moti i keq me reshje shiu ka përfshirë gjithë vendin, duke sjellë përmbytje dhe bllokim rrugësh në shumë zona. Në Qarkun e Vlorës dhe Fierit janë përmbytur dhjetëra shtëpi ndërsa Qarkun e Elbasanit, Kroçës dhe Dibrës reshjet e borës kanë shkaktuar qarkullim në lëvizje ku trashësia e borës shkon deri në 70 cm. Ndërkohë Autoriteti Rrugor Shqiptar pas reshjeve të shitu dhe borës raporton se akset kryesore janë të kalueshme ndësa sugjeron drejtuesit e mjeteve të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore.

Reshjet masive të shiut, që kanë përfshirë vendin, kanë vështirësuar situatën në Qarkun e Lezhës. Emergjencat Civile raportojnë se deri më tani janë përmbytur rreth 200 hektarë tokë depresive të kënetës Kakarriq, nj.ad. Balldren, bashkisë Lezhë

Në Qarkun e Elbasanit Emergjencat Civile njoftojnë se nuk ka përmbytje, pasi prurjet e lumenjve dhe përrenjve deri më tani kanë qenë mesatare.

Situatë e rënduar nga përmbytjet paraqitet në Vlorë. Për shkak të daljes së Vjosës nga shtratin janë përmbytur 11 banesa, 4 në fshatin Fitore dhe 7 në Novoselë, ndërsa banorët janë evakuuar.

Po kështu mësohet se në Selenicë, në zonën e quajtur ‘Bishti i Malit, ka ujë në rrugë. Ndërkaq Ura e Mesaplikut është e dëmtuar dhe banorët janë të izoluar.

Mëngjesin e ditës së sotme shtabi Emergjencave të Qarkut Fier dhe Bashkia ka njoftuar banorët më pranë shtratit të Vjosës për t’u evakuuar. Në disa zona niveli i ujit ka shkuar në 50 cm deri në 1 m. Në Ferras, Çerven janë përmbytur serat dhe fermat duke dëmtuar tokat bujqësore, teksa uji ka hyrë deri në katin e parë të banesave.

Ndërkohë nënstacioni elektrik i Poçemit është ndalur që në orën 1:30 të natës dhe janë pa energji elektrike rreth 3700 abonentë. Pa energji janë fshatrat Hekal, Fratar, Selitë, Kutë.

Njoftim:

Situata në qarkun Lezhë, ora 09.00, paraqitet e qete.

Gjate 24 oreve, kemi reshje me intensitet te ulet rradh meditare, ne rreth 23 mm. Nga raportimet e strukturave të MC, kemi:

-Niveli i ujrave ne shtreterit e lumenjeve dhe sistemin kullues eshte ne kuota normale;

-Hidrovoret punojne me kapacitetin te plote dhe kuatat ne basenet e tyre jane ne kuata normale;

-Ne tokat depresive te kenetes Kakarriq, nj.ad. Balldren, bashkis Lezhe kemi rreth 200 ha te permbytura;

-Rezevuaret jane ne moniturim;

-Rruget nacionale, rurale dhe bashkiake, jane te kalushme pa problem;

-Furrnizimi me energji elektrike po mbahet nen kontroll;

Njoftimi:

Ne qarkun Elbasan gjate oreve te nates ka pasur renie te sasise se reshjeve dhe intensitetit te tyre. Si rrjedhoje kemi permiresim te situates referuar dites se djeshme.

Ne akset rrugore nacionale kemi pasur prani te paperfillshme tnerteve e aluvioneve dhe nuk kane ndikuar ne qarkullimin e mjeteve.

Prurjet e lumenjve e te perrenjve kane qene deri mesatare e nuk kane sjelle probleme.
Aktualisht eshte terhequr uji nga tokat bujqesore ne Muriqan, Nj.A Gjrrgjan, bashkia Elbasan, dhe  nuk kemi siperfaqje nen uje.

Furnizimi me energji elektrike ka qene me problematika e me nderprerje tek fidrat 6 e 7 per zonen Prrenjas e fshatrat qe kufizojne me Pogradecin si dhe fidri i Mokres.

Fidrin nr.3 ne Nj.A Lunik, e Orenje, bashkia Librazhd. Si edhe disa gabina jane jashte pune ne Godolesh, Qerret, e Gracen.

Ne terren jane duke punuar punonjesit e OSHE.

Ndërkohë Juglindja e vendit është mbuluar nga bora, deri në 70 cm në rrugën e Dardhës, probleme me energjinë elektrike në disa fshatra.

Si pasojë e reshjeve të shumta në segmentin e Dardhës trashësia e dëborës ka shkuar deri në 70 cm dëborë ku pavarësisht punës dhe mirëmbajtjes së rrugës mjetet e vogla që lëvizin gjatë paradites duhet të jenë të pajisura me zinxhirë ndërsa Voskopoja dhe Qafa e Qarrit nuk kanë probleme me kalueshmërinë e mjeteve pasi dëbora varion nga 5 deri në 15 cm.

Probleme me energjinë elektrike vijon të ketë në territorin e Bashkisë Maliq pasi reshjet janë shoqëruar edhe me erë të fortë. Mungesë të energjisë ka në Gorë, Moglicë, Kolanec, Zboqëri ndërsa mësohet se grupet e punës ndodhen në terren për të rikthyer energjinë.

Ndërkohë në Pogradec prej 48 orësh pa energji dy njësi administrative Dardhas dhe Trebinjë dhe 6 fshatra në njësinë Proptisht. OSHEE thotë se është duke punuar, por në asnjë nga tre njësitë energjia nuk është kthyer deri më tani.

Ka pasur edhe rrëshqitje dherash në fshatin Zall Torrë dhe po merren masa për hapjen e rrugës.

Akset nacionale aktualisht janë të hapura dhe nuk paraqiten probleme, me përjashtim të disa rrugëve dytësore rurale në të cilat mund të qarkullohet vetëm me zinxhirë.

Njoftim, ARRSH:

Në Rajonin Jugor dhe në Rajonin Qendror reshjet kanë pushuar kontraktorët kanë punuar me mjete borëpastruese dhe kanë bërë shpërndarjen e kripës në ato segmente ku ka pasur prezencë bore.

Në Rajonin Verior gjatë natës ka pasur kryesisht reshje shiu, pa sjellë probleme me qarkullimim e mjeteve, është punuar në Qafë Mali-Fierzë për pastrimin e aksit. Qarkullimi vazhdon normalisht në të gjitha akset nacionale.

Drejtuesit e mjeteve të bëjnë kujdes në lëvizje dhe të respektojnë sinjalistikën rrugore të reduktojnë shpejtësinë, të pajisen me zinxhirë dhe goma dimërore të ndjekin udhëzimet e Policisë Rrugore.