Bashës, Këlliçi: Persona të armatosur dhe nr. holandez po kërcënojnë të rinjtë e FRPD
Pasi policia nuk iu përgjigj telefonatës dhe nuk erdhi në skenën e krimit, deputeti i Partisë Demokratike, Belind Këlliçi, u detyrua të shkojë dhe të denoncoj sot në Komisariatin Numër 1 të Tiranës bastisjen e zyrave të kreut të FRPD-së, si dhe kërcënimin me armë të të rinjve demokratë duke akuzuar kryetarin e shkarkuar të PD, Lulzim Basha.
Ndërsa Sekretari i Përgjithshëm i FRPD-së, Rigels Muçollari, ka denoncuar kërcënimin ndaj kryetarit të FRPD-së Kuçovë Ardit Bënja nga një numër holandez, pasi ishte përplasur verbalisht në ambientet e selisë së PD.
“Lulzim Basha dhe Gazment Bardhi përgjegjës pasi janë të dy që kanë autoritetin për të dhënë urdhër për hyrë në zyrat e FRPD-së. Gjatë konferencës time për shtyp para kamerave për të denoncuar bastisjen e zyrave, të rinjtë e FRPD janë afruar të shqetësuar se janë kërkcënuar nga persona të cilët nuk njiheshin dhe të armatosur. Kam kërkuar marrjen e kamerave të PD-së por fiksojeni këtë sepse ka mundësi që kamerat të jenë të fshira,” tha Belind Këlliçi para Komisariatit Numër 1. në Tiranë pasi denoncoi zyrtarisht dhe krimin në ambientet e selisë së PD ndërsa Rigels Muçollari shtoi:
“Kryetari i Kuçovës Ardit Bënja është kërcënuar nga një numër holandez pasi është përplasur verbalisht gjatë prezencës në ambientet e FRPD-së.”
Edhe me këtë rast Këlliçi akuzoi Lulzim Bashën për këtë krim ndërsa i bëri të qartë se nëse i preket një fije floku një anëtari të FRPD, do mbajë përgjegjësi personale.
“Nëse një fije floku i preket një anëtari do bëjmë publike të gjitha faktet e drejtimit të PD në këto 8 vite nga ana e tij. Është për të ardhur keq që është një i ri në moshë duket si një sovjetik.”
Ndryshe, me përfundimin e mbledhjes së Komisionin për Rithemelimin e Partisë Demokratik, kreu i FRPD me kryesinë zbritën te Zyra për të diskutuar rreth përgatitjeve për zgjedhjet, ku u përballën me një skenë krimi.
“Kemi ardhur të seli për një mbledhje të radhës. Zyra ja qenë me brava të ndërruara dhe çelësa. Zyra ime sot është vjedhur, përgjegjës bëj Lulzim Bashën. Në zyrën time janë vjedhur sende personale, usb personale. Për këtë do t’i drejtohem policisë për kallëzim penal. Ka pasur person dhe të rinj që janë intimiduar nga persona të armatosur që qëndrojnë brenda në seli. Se di se kush janë. Që të mbrosh karrigen me dhunë, me armë, këtë e dinë vetëm këta,” tha Belind Këlliçi duke i uruar ta gëzojnë dhe nja 6 ditë këtë vend, se do shohim se ça do bëjnë.
