Referendumi për shkarkimin e Bashës, formohet Komisioni për Organizimin dhe përcaktohen vendvotimet
Nesër, më 18 Dhjetor, me vendim të Kuvendit të ligjshëm Kombëtar të PD, organizohet Referendumi për ratifikimin e vendimit të Kuvendit për shkarkimin e Kryetarit Lulzim Basha.
Komisioni për Rithemelimin e PD ka vendosur të formoj Komisionin për Organizmin dhe Kontrollin e Operacioneve Elektorale me qëllim organizimin dhe drejtimin e procesit të Referendumit.
Kryetare e këtij Komisioni është caktuar Albana Vokshi dhe anëtarë janë Ervin Minarolli, Eno Bozdo, Edith Harxhi dhe Keltis Kruja.
Ky Komision ka përgjegjësi të organizojë, mbikqyrë dhe të drejtojë procesin e referendumit deri në nxjerrjen dhe në shpalljen e rezultatit përfundimtar.
Pjesa më e madhe e demokratëve do të votojnë në selitë e PD-ve lokale, ndërsa për ato degë ku Lulzim Basha ka ndërruar bravat do të votohet në ambientet e përcaktuara nga krerët e degëve të PD.
Mësohet se në Tiranë do të votohet: Tirana 1 në Zyrën e Degës, Tirana 2 në Bar Amerika pranë Ambasadës SHBA, Tirana 3 te Zyra e Degës, Tirana 4 te Lokali Pëllumbat e Paqes, Tirana 5 pranë Zyrave Aleat Komp Kika 2, Tirana 6 lokali Kombi i Artë, Tirana 7 në Zyrën e Degës, Tirana 8 100 m Gjimnazi Partizani, Tirana 9 në Zyrën e Degës, Tirana 10 në Zyrën e Degës, Tirana 11 abimentet afër AMC, Tirana 12 lokali Elez Bathorja – Farkë e Vogël, Tirana 13 Yrshel – përballë Usllova, Tirana 14 Rr.Nacionale Dajt P 54, Tirana 15 lokali Besnik Kodra – Pezë Helms, Tirana 16 në Zyrën e Degës, Vorë në Zyrën e Degës, Kamëz në Zyrën e Degës, Bathore në Zyrën e Degës dhe në Paskuqan në Zyrën e Degës.
Në Degën Krujë, me 700 anëtarë, do të votojë në dy qendra votimi, një në Thumanë dhe një në Krujë, në Fushë-Krujë dhe votimi pritet të zhvillohet te qendra shëndetësore, ku është dhe zyra e partisë. Në Kruje e Thumanë votohet në lokale, ambiente të marra me qira dhe materialet kanë shkuar në të dyja degët e PD. Në bashkinë e Korçës ka vetëm një qendër votimi, që do të jetë tek ish-kinema Millemium. Po ashtu edhe në Pogradec do të votohet te kinemaja e qytetit.
Në Gjirokastër janë gjithsej 1100 anëtarë të PD me të drejtë vote, ndërsa janë ngritur 4 qendra votimi. Një qendër votimi do të jetë në Pallatin e Sportit, në Lazarat do të jetë në një lokal në qendër të fshatit, në Libohovë në një lokal në qendër të qytetit dhe në Urën e Kardhiqit do të votohet te ish-zyra elektorale e PD.
Ndryshe, votimi për Ratifikimin e vendimit të Kuvendit të ligjshëm Kombëtar për shkarkimin e Bashës do të nisë në ora 08:00 të mëngjesit dhe pritet që të përfundojë në orën 17.00.
Në fletën e votimit për këtë Referendum ngrihet një pyetje:
“A jeni dakord me vendimin e Kuvendit Kombëtar për shkarkimin e kryetarit të PDSH Lulzim Basha?
Po, (dakord me shkarkimin)
Jo (kundër shkarkimit)
