Aksidenti në Fier/ U deklarua pa shenja jete, por në spital ndodh mrekullia…

Një aksident ka ndodhur mëngjesin e sotëm në Fier, ku nga policia u raportua se humbi jetën një fëmijë e mitur. Por duket se ka ndodhur mrekullia, pasi në mjediset spitalore, e mitura, 5 vjeç, ka dhënë shenja jete.

Sqarim në lidhje me aksidentin e ndodhur në Kurjan:

Fillimisht vajza është paraqitur pa shenja jete në Spitalin Rajonal Fier, dhe dyshohet se ka pësuar vdekje klinike.

Pas ndërhyrjes së menjëherëshme të mjekëve të spitalit Fier, vajza ka shfaqur shenja jete.

Aktualisht është duke ju nënshtruar të gjitha ekzaminimeve duke mbajtur në mbikqyrje të vazhdueshme gjendjen e saj shëndetësore”.

Informacion paraprak

Në datën 30.06.2018, rreth orës 11:10, në fshatin Kurjan, shtetasi Leonard Abedinaj, 41 vjeç, duke drejtuar mjetin tip “Ford” ka aksidentuar një shtetase të mitur 5 vjeçe e cila ka ndërruar jetë rrugës për në spital. Shtetasi Leonard Abedinaj është shoqëruar në Komisariatin e Policisë Fier dhe po kryhen veprimet proceduriale. Grupi hetimor po punon për zbardhjen e plotë të kësaj ngjarje.