WizzAir ulet në Aeroportin e Kukësit, 4 destinacione drejt Austrisë, Gjermanisë dhe Zvicrës

Pas testimeve të suksesshme, kompania WizzAir ul avionët e saj në Aeroportin ndërkombëtar “Flatrat e Veriut” në Kukës, tha sot Kryeministri Edi Rama duke bërë të ditur 4 destinacionet e para 2 herë në javë drejt Austrisë, Gjermanisë dhe Zvicrës dhe fillimin e prenotimeve.

“Jemi përsëri këtu për të lajmëruar ardhjen e avionëve të kompanisë Wizz Air pas një periudhe të rëndësishme bashkëbisedimesh, diskutimesh. Nga sot kompania është e vendosur dhe në Kukës dhe fillon me prenotimet për 4 destinacionet e para nga 2 herë në javë dhe të cilat nga maji do të jenë destinacione të vijueshme, jo thjesht për sezonin, ndërkohë që më drejtorin e madh të kompanisë kemi diskutuar dhe për destinacionin tjetër të rëndësishëm që është Anglia. Unë nuk do i ndahem Kukësit derisa the london boys Kukës të kenë fluturime nga London në Kukës me tarifa tërësisht simbolike.

Shumë gjëra kemi dëgjuar kur lançuam punën për aeroportin e Kukësit, me siguri do dëgjojmë sot, por në fund fjalët i merr era dhe punët e mira mbeten. Jam i sigurt se ky aeroport do ketë një të ardhme të sigurt dhe e gjithë kjo zonë, për shkak të aeroportit, tha Edi Rama duke fol për një treve të tërë që përfshin dhe pjesën matanë bjeshkëve në Kosovë dhe Maqedoninë e Veriut që do të kenë mundësi që në këto katër destinacione të udhëtojnë me vetëm 19 euro ndërsa foli dhe për mundësi punësimi.

“Ulje e çmimeve deri në 10-fish edhe pse ka kompani të cilat kanë çmime më të larta, apo të ulëta, por në tërësi rënia e çmimeve është shumë domethënëse.

Sot kompania Wizz Air ka 200 shqiptarë dhe shqiptare vajza dhe djem të punësuar dhe plani është për të shkuar në 500 të punësuar. Në muajt në vijim kompania do të hapë thirrjet për të punësuar, janë vende të paguara mirë. Të gjitha ata që duan të provojnë veten duhet thjesht të mos e presin punën të vijë me aeroplan tek shtëpia, por të shkojnë të punojnë. Investime masive në aeroporte,” tha Kryeministri Edi Rama duke përfunduar:

“Do të investohet për pistën, për të garantuar dhe çeljen e fluturimeve transoqeanike. Do të investohet për terminalin e ri për të përballuar këtë fluks të rritur.”