Oligarkët po ikin nga Ukraina, Rusia thotë se po tërheq ushtrinë
Tensionet në Ukrainë kanë arrit kulmin, dhe ajo që ndodh ose nuk do të ndodh gjithsesi do të ketë pasoja të mëdha. Oligarkët po largohen nga atdheu i tyre ndërsa Presidenti i Ukrainës, Zelensky ka bërë një dalje dramatike para kombit duke shpallur 16 Shkurtin e paralajmëruar nga shërbimet sekrete botërore si ditë pushtimi, ditën e unitetit.
Dje u zhvillua një bisedë e rëndësishme në mes të Presidentit amerikan, Joe Biden dhe Kryeminstrit britanik, Boris Johnons, ku konstatohet se nuk është humbur shansi që kriza në Ukrainë të zgjidhet me rrugë diplmatike.
E ajo që bëri përshtypje në këto momente tensioni ishte dalja publike për disa herë me radhë e Presidentit të Ukrainës, Vodolymyr Zelensky, që kulmoi me atë më dramatike, ku duke ju referuar burimeve amerikane foli për një sulm të mundshëm rus të mërkurën e 16 Shkurtit, dhe njëkohësisht 16 Shkurtin e shpalli ditë të unitetit.
“Jemi të kërcënuar nga një luftë e madhe, përsëri është caktuar dita e pushtimit,” tha Zelensky duke shtuar:
“Kjo nuk është hera e parë, por shteti ynë është më i fortë se kurrë,” tha Presidenti i Ukrainës, Vodolymyr Zelensky.
Ndërkohë ministria e Mbrojtjes e Rusisë deklaron se ushtarët përgjatë kufirit me Ukrainën po kthehen në bazat e tyre pas përfundimit të stërvitjes, raporton Agjensia e lajmeve Reuters.
Ndërsa Agjensia ruse e lajmeve Interfax citon ministrinë e Mbrojtjes që thotë se stërvitjet ushtarake vazhdojnë në gjithë vendin, disa njësite të zonës ushtarake të Jugut dhe Perëndimit kanë përfunduar stërvitjet e tyre dhe po kthehen në bazat e tyre ushtarake.
Oligarkët po ikin
Dikush ka shpresa tek diplomacia por jo edhe ata që janë të pasur në Ukrainë dhe e njohin Putinin e çmendur. Mediat lokale raportojnë në 20 orët e fundit se eksodi i njerëzve më të pasur, duke përfshirë oligarkët ukrainas, ka arritur kulmin.
Sipas të përditshmes ukrainase Pravda, vetëm të dielën kanë fluturuar 20 charter dhe avionë privat.
Njëri prej këtyre avionëve është pronë e njeriut më të pasur në Ukrainë, Rinat Ahmetov, pasuria neto e të cilit, sipas Forbes, vlerësohet 7.1 miliardë dollarë. Mirëpo, Pravda raporton se vetë miliarderi ka braktisur vendin më 30 Janar.
Poashtu edhe njeriu i dytë më i pasur në Ukrainë, manjati i çelikut , Viktor Pinçuk, dhëndër i presidentit të dytë ukrainas, Leonid Kuçma, ka braktisur vendin nga fundi i muajit janar dhe me eskortën e tij iku në Vjenë. Madje, Pravda shkruan se si Ahmetov ashtu dhe Pinçuk, po financojnë Këshillin e Atlantikut i cili është angazhuar për anëtarësimin e Ukrainës në NATO.
Në mesin e atyre që raporton Pravda se kanë ikur nga Ukraina janë dhe politikani dhe biznismeni i njohur Vadim Novinski, pasuria neto e të cilit vlerësohet 1.3 miliardë dollarë, pastaj njeriu i nëntë më i pasur në Ukrainë, Oleksandr Jaroslavski, dhe ish-deputeti e biznismeni i Vrhovna Rada, Vadim Stolar si dhe disa personalitete të njohura të botës së politikës dhe biznesit, shumë prej të cilëve ishin në listën e 100 njerëzve më të pasur në botë të revistës Forbes.
Ndërkohë SHBA, Britania e Madhe, Australia, Izraeli dhe disa vende të fuqishme në botë i kanë bërë thirrje shtetasëve të tyre që sa më shpejtë ta braktisin Ukrainën dhe njëkohësisht kanë evakuuar shumicën e personalit që kishin në ambasadat e tyre në Kiev.
