SMS-të incenerojnë Komisionin! Andi Bushati i tha Desadës që ti thotë Joridës…

Komisioni Hetimor për Inceneratorët i cili nga shumë protagonist politik u cilësua si “vjedhja e 30-vjeçarit të tranzicionit” po degradon si çdo Komisioni i krijuar në Parlamentin e Shqipërisë duke i bërë një dëm të pariparueshëm hetimeve që po zhvillohen në SPAK, për një ndërmarrje të organizuar kriminale.

Ky degradim që po e inceneron Komisionin Hetimor në sy të opinionit publik arriti kulmin sot kur si dëshmitar ishte ftuar Kryetari i Bashkisë, Erion Veliaj. Në një moment kur u krijua se ideja se Erion Veliaj ishte vënë me shpatulla për muri, pas pyetjeve nga deputeti Belind Këlliçi, kur Velia nuk po i përgjigjej dot, ai reagoi jo duke u përgjigjur por si i habitur shprehet se qenka bërë nami në këtë seancë:

“Janë burgosur qytetarë për një çati. Ka pasur raste ekzemplare si në Unazën e re, ku ju kanë shkuar policia edhe pse po rregullojnë banjot në shtëpinë e tyre. Ja ku e keni inceneratorin e Tiranës, ndërtim pa leje. Keni kronika televizive, shikojeni, punimet kanë nisur para se të zbardhet leja,” tha deputeti Belind Këlliçi nisjen e punimeve në landfillin e Sharrës, ende pa u zbardhur leja e ndërtimit nga Bashkia e Tiranës ndërsa Erion Veliaj si mjeshtër i mashtrimit të komunikimit masive shton:

“Po ju paskeni lënë nam! Ndërkohë që ne kemi qenë në seance, ju paskan çuar gjithë suflerët, ju çojnë pyetje si të më pengoni? Paskan dalë në gjithë portalet. Po mirë keni cipë? Se kjo ka dhe një lloj dinjiteti,” tha Kryetari i Bashkisë Tiranë, Erion Veliaj duke bërë të habiturin!

Dhe, fotot që u shpërndanë me shpejtësinë e rrufesë, konfirmojnë se Andi Bushati urdhëron Ish-Shefen e propagandës së Lulzim Bashës tani anëtare e AMA-s, Desada Metaj, që ta urdhëroj Jorida Tabakun që ta pyes Erion Veliajn:

Korrespodenca Andi Bushati-Desada:

Desada Metaj: Se s’ka faj është lodh

Andi Bushati: S’po e kuptoj këtë firmën e tij, ka firmos këshilli bashkiak për buxhetin por jo për… ???

Desada Metaj: Sepse nuk përgjigjet. Ja ta thotë tani

Andi Bushati: Dhe thuaj mos i kthejë asnjë përgjigje personale…. Se ai po mundohet ta nxehë dhe ta ngatërrojë.

Dhe jo vetëm kaq! Desada ka korrespodencë urdhërash edhe me Andi Telën, e ata që deri sot pyesnin se nga doli i majtë Lulzim Basha, këtë e konfirmojnë Dy Andat që konfirmohet tashmë se i ka këshilltar mediatik!

Për të qarë, e për të qarë. Për të qeshur i ngelet Edi Ramës!

Korrespodenca Andi Tela-Desada:

Debati Veliaj – Tabaku në Komision:

Veliaj: Më fal, se telefonin tim as e kam prekur. Po ju paskeni lënë nam! Ndërkohë që ne kemi qenë në seancë, ju paskan çuar gjithë suflerët, ju çojnë pyetje si të më pengoni? Paskan dalë në gjithë portalet. Po mirë keni cipë? Se kjo ka dhe një lloj dinjiteti.

Tabaku: Se kuptova keni marrë kamerat e Kuvendit?

Veliaj: Jo, jo kamerat i keni live ju?

Tabaku: Keni marrë kamerat e Kuvendit?

Veliaj: Ja do t’i deponoj. Po është turp.

Tabaku: I bëj thirrje të Kryetares së Kuvendit menjëherë te marrë masa Garda për kamerat e Kuvendit që lexojnë celularët e deputetëve të Komisionit!

Veliaj: Jo jo e bën vetëm një pjesë e opozitës. Mos u shqetëso. Po kjo që bëni është turp. Kjo që bëni, që ulet zëdhënësja aty, Desada shoqja jonë, dhe ju jep… mos qesh tani se ke lënë nam. Janë kamerat e gazetarëve. Gocë ‘Samiu’ dhe t’i çon pyetjet Desada! Po s’të vjen turp? Mirë që shkollën e çove në Paskuqan…