VIDEO/ Protestës në mbrojtje të Teatrit i bashkohet edhe Tabaku: Pas ligjit, rri një biznesmen

Artistët dhe aktorët vijojnë edhe sot protestën në mbrojtje të Teatrit Kombëtar, ndërsa vijon mbledhja e firmave për peticionin ‘Mbro Teatrin’.

Protestës iu bashkua edhe deputetja e PD-së, Jorida Tabaku, e cila firmosi, peticionin ‘Mbro Teatrin’.

Ajo tha se pr/ligji i për Teatrin, i cili ka ardhur në Parlament ka një emër biznesmeni mbrapa. Tabaku u bëri thirrje qytetarëve që të ngrihen në një revoltë të fuqishme dhe të ndalin vjedhjen e qytetit.

“Unë vij nga një familje e vjetër tiranase. Në këtë vend ka ekzistuar dyqani i gjyshit tim, i cili u prish nga komunistët në 1944. Pas vitit 2000 u fshinë dhe shumë gjëra të tjera në këtë vend duke u betonizuar. Qyteti pak nga pak po prishet.

Pak nga pak po zhduket. Unë nuk dua të prishet teatri. Unë dhe Albana Vokshi e kemi kundërshtuar prishjen e Teatrit. Historia e ligjeve që vijnë me emër biznesmenësh duhet të zhduket. Veliaj ka frikë ta miratojë vetë, prandaj e sjell në Kuvend.

Ka ardhur koha që me reagim të fortë qytetar ti themi ‘JO’ prishjes dhe grabitjes së qytetit. Qëndrimi i PD-së, është, që nga nesër fillojmë luftën për të mos lejuar Prishjen e Teatrit. Këtu flitet për vjedhje dhe për grabitje’, tha Tabaku.