36 politikanë evropianë propozojnë Zelenskyn për Çmimin Nobel për Paqe

Presidenti i Ukrainës, Volodymyr Zelensky, është propozuar për Çmimin Nobel për Paqe për vitin 2022 nga 36 politikanë evropianë.

Në kërkesën dërguar Komitetit të Nobelit, politikanët evropianë kërkojnë që procedura e nominimit të hapet sërish dhe të shtyhet deri më 31 Mars në mënyrë që të shqyrtohet nominimi i Zelenskyt.

“Në historinë e ngjarjeve historike të pa precedent, me respekti i bëjmë thirrje Komitetit për Çmimin Nobel që përsëri të hap dhe shqyrton nominimin për vitin 2022,” thuhet në Letrën e dërguar e cila është firmosur nga 36 politikanë të BE.

“Pikërisht tani dhe në gjithë botën të gjithë qytetarët demokratik bëjnë të njejtën pyetje: Çfarë mund të bëjmë që të mbështesim popullin e Ukrainës? Besojmë se tani është koha që ti tregojmë qytetarëve të Ukrainës se bota është në anën e tyre,” theksojnë politikanët evropianë të ndërgjegjshëm se bëhet fjalë për ndërprerjen e procedurës ndërsa përfundojnë:

“Besojmë se kjo ndërprerje është e arsyeshme me situatën aktuale të paparashikueshme. Detyra jonë demokratike është ti kundërvihemi autoritarizmit dhe të mbështesim njerëzit që luftojnë për demokraci.”