Pas bukës 716 gr. Kryeministri Edi Rama sot sjellë një “rekord të ri”
Pas shfaqjes së djeshme me çmimin e bukës ku dështoi ndërsa peshoi bukën që rezultoi se i mungonte plotë 284 gramë nga 1.000 gramë sa paguhet për çmimin 120 lekë, dhe e kaloi me sportivitet thuase furra ishte e Samir Manes apo Qet Kastratit, sot Kryeminstri Edi Rama sjellë një masë krahasimore të tatimit në fitim për të treguar se nuk është ai që favorizon biznesin e madh apo siç e futi partneri i tij i qeverisjes Lulzim Basha në përdorim fjalën, “oligark”.
Dhe, natyrisht, rezulton mashtrim i radhës!
Edi Rama sjellë grafikun e tatimit në fitim që kanë shtetet në rajon duke theksuar:
“Qysh prej vitit 2014 Shqipëria ka taksat më të larta në rajon për Biznesin e Madh dhe numrin më të lartë të akuzave e sharjeve për të kundërtën,” thekson Edi Rama duke u munduar të na bindë se sa i shqetësuar është për biznesin e vogël dhe qytetarin e thjeshtë:
“Ndërkohë ja edhe fakti tjetër, i vetmi vend në rajon dhe në Europë me ZERO taksë për biznesin e vogël, sepse për ne kush fiton më shumë paguan më shumë, kush fiton më pak paguan më pak!”
Për ata që emocionuan shumë për “kujdesin” e Kryeministrit, sepse Edi Rama e dinë mirë dhe abuzon, mjafton t’ju thuhet vetëm sa është paga minimale e këtyre vendeve në rajon, për të kuptuar se kush, kë, e ruan në këtë vend për të mos paguar taksa:
Pra, meqë kujdesi ndaj qytetarit në Shqipëri u pa dje nga reagimi i Kryeministrit Edi Rama në rastin e bukës 716 gramëshe që është sikur tatimi në fitim, 0, rasti i pagës minimale në Malin e Zi dhe tatimit në fitim na tregon të jeshë Qet Kastrat ose Samir Mane nuk është dhe atë e lehtë.
Edi Rama thotë se në Shqipëri ndryshe nga Mali i Zi ku paguhet 9 për qind, biznesi i madh paguan 15 për qind tatim në fitim.
Por, në Mal të Zi paga minimale është 533 euro ose më shumë se dyfishi nga shteti që zyrtarisht qeveriset nga Edi Rama, ku paga minimale është 248 euro. Se sa i bjen të paguaj një Qet ose Samir në Mal të Zi nuk duhen njohuri matematiore të Arben Ahmetajt ose Lulzim Bashës sepse është e qartë se loja me “rekordin” e tatimit në fitim që bënë Edi Rama është thjeshtë një mashtrim i madh!
Ndryshe, për ata që e quanin legjendë urbane reagimin e shqiptarëve me rritjen e çmimit të naftës, se paguajnë 1.000 lekë dhe nuk ju intereson sa është litri, mund ta shtojnë edhe çmimin e bukës masive pavarësisht sa gram i ka, kur ajo edhe Kryeministrit i shitet 716 gramë.
Dhe jo vetëm kaq! Përveç faktit se gjatë asaj që Kryeministri Edi Rama e quajti “vizitë mbikqyrëse në furra buke për çmimet bazë që ndjek Bordi i sapongritur i Administrimit, për masat që po ndërmarrim për përballimin solidar të goditjeve të luftës në Ukrainë mbi mallrat e konsumit”, rezultoi se buka masive me çmim 120 lekë që duhet të ketë peshën 1.000 gramë shitet 716 gramë, nuk kishte asnjë reagim Zyrtar në mbrojtje të konsumatorit.
Kështu, ajo që quhej Zyre për Mbrojtjen e Konsumatorit deri dje u akuzua por tashmë ka dhe statusin e konfirmuar se ishte dhe është në mbrojtje të Qeverisë, pavarësisht se ku bëhet luftë, në Ukrainë apo Kore të Veriut!
