Kryetar i ri i Ulqinit, Omer Bajraktari

Kryetari i partisë URA, Dritan Abazoviç e ka shpallur fitoren aboslute në Ulqin të koalicionit “Për një fillim të ri” i cili përbëhet nga partia URA, Socialdemokratët e Malit të Zi, Alternativa Shqiptare dhe Partia Demokratike.

“Ulqini ka kryebashkiakun e ri dhe emri i tij është Omer Bajraktari. Siç paralajmëruam, lista jonë është e fortë më shumë se dyfishi nga i rendituri i dytë,” tha Abazoviç duke shtuar se këtë radhë Ulqini nuk kishte dilema për zgjedhje.

“Mendoj se duhet ti kthehemi qytetit, do të kemi drejtuesit ri të qytetit. Ky është një fillimi i ri për qytetin, rruga drejtë pajtimit dhe progresit,” tha Abazoviç dhe si vëzhgues i hollë i politikës lokale thekson se nuk i kujtohet se ndonjë koalicion kishte një rezultat të tillë ndërsa përfundoi.

“Dora jonë ngelet e shtrirë për të gjithë. Hajde të punojmë gjëra të mira për qytetin, të nisemi shtigjeve të suksesit.”

Ndryshe, sipas rezultateve paraprake fitues i zgjedhjeve lokale në Ulqin është koalicioni “Për një fillim të ri” i cili arriti të fitoi 14 ulëse nga 33 ulëse në Këshillin Bashkiak.

Koalicioni i dy partive më të vjetra shqiptare, Unionit Demokratik të Shqiptarëve dhe Lidhjes Demokratike në Mal të Zi arriti të fitoi 6 ulëse, Forca 5, DPS e Gjukanoviçit 6 dhe Mali i Zi demokratik 2 ulëse në Këshillin Bashkiat të Ulqinit.