Këshillimi Kombëtar, nuk pyet për të hequr taksat për shqiptarët, e për serbët 59% thonë PO

Kryeministri Edi Rama mund të mos i njoh të tillë por me shqiptarët komunikon si me budallenjë. Sot duke prezantuar rezultatet e mbledhjes së opinioneve të qytetarëve për Këshillim Kombëtar tha se temë nuk mund të jetë a doni të hiqet taksa e naftës sepse do të na dali të hiqen të gjitha taksat ama për serbët i heq të gjitha taksat dhe mburret se “Ballkanin e Hapur” e mbështesin 59 për qind e shqiptarëve.

Dhe jo vetëm kaq! “Ballkanin e Hapur” thotë se Shqipëria nuk e bën për Serbinë por për të mbrojtur interesat e saj ndërkohë nuk përmend qoftë edhe një ineteres derisa Presidenti serb Aleksandar Vuçiç e bëri të qartë përfitimin më madhor që kishte, daljen në det, meqë Mali i Zi dhe Kroacia nuk janë pjesë e kësaj çmendurie. Çfarë thonë feremerët shqiptarë nuk tha ndpnëse shqiptarët e kanë të qartë se Vuçiç nuk i gjenë dot kurrë 59 për qind të serbëve që duan të bashkëpunojnë me shqiptarët nëse këtë sondazh nuk e bën Edi Rama.

Gjithsesi, Këshillimi Kombëtar ishte një arsye madhore për Kryeministrin shqiptar për ta humbur një ditë pune para ekraneve që janë të detyruara ta transmetojnë!

“Ky proces do të kthehet në traditë dhe do të jetë një proces që do të vazhdojë. Ne do të merremi me gjerat që kanë të bëjnë me jetën e përditshme të njerëzve. Gjithashtu me rëndësi është edhe përfshirja e  jonë me njerëzit. Tani temë nuk mund të jetë a doni të hiqet taksa e naftës, nëse ne bëjmë një Këshillim Kombëtar për naftën sepse do të na dali të hiqen të gjitha taksat.Këshillimi Kombëtar bëhet për të çarë disa rrugë të reja. Tani ka folur opinion publik shqiptar, këtë gjë duhet ta marrin në konsideratë edhe partnerët tanë që këtu duhet të bëhet çdo gjë që thotë populli shqiptar,” tha Kryeministri Edi Rama dhe duke mos përfillur ankesat e fermerëve që tashmë kanë për qumështin serb i cili i pantrolluar po u dëmton biznesin te dera e shtëpisë ndërsa priten frytet e këtij projekti kriminal antishqiptar edhe me zarzavatet, ai thotë se “Ballkanin e Hapur” e kanë mbështetur rreth 59 për qind e shqiptarëve madje sheh dhe interes konvergues, “interes” për të cilin edhe vetë Ish-Zv/Kryeministri i tij, Erion Braçe, ulëriste në Facebook se po shkelet me dy këmbë:

“59 për qind është një mbështetje shumë e fortë pavarësisht se për të tjerat ka mbështetje më të forta. Procesi ka ndodhur me atë interferencë që thash dhe sigurisht që lufta që nisi Rusia ndaj Ukrainës ka pasur impakt psikologjik, edhe për shkak se u bë një zhurmë e madhe lidhur me Korrelacionin mes luftës dhe pozicionit të Serbisë. Unë s’kam pritur luftën për të marrë vesh se çfarë është politika e jashtme e Serbisë. E dyta nuk ka qenë vendimmarrja ime dhe as kësaj qeverie që në Ballkan të gjendet Serbia. Atë e kemi aty, është një fqinje që do të jetë aty gjithmonë. Kështu marrë parasysh këto, marrëdhëniet e fqinjësisë me Serbinë janë të rëndësishme edhe për faktin e ndryshimit mes nesh dhe tyre në këtë aspekt. Nga ana tjetër, Ballkani i Hapur s’bëhet për Serbinë, por për veten e saj. Ballkani i Hapur mbron interesat tona. Ballkani i Hapur është nismë interesi konverguese. Kur flasim për paqe, paqja bëhet me ata që kemi pasur probleme ose me ata që ke problem, por me ata që s’ke paqja është gati. Ballkani i Hapur është interes i rëndësishëm i shqiptarëve. Nuk dua t’i jap këshilla udhëheqësve në Kosovë,” tha Edi Rama për projektin shumë më antishqiptar se sa që e kishte menduar Enver Hoxha me Marrëveshjen e bashkimit doganor ose Fatos Nano me atë të mostaksimit të dyfisht.

Por Edi Rama shkon tutje! Pasi Saje Qorri është në burg ai legalizoi kanabisin, jo për gjë por merakun e ka tek shqiptarët. Çfarë kanë thënë qytetarët, tha Kryeministri, do të bëhet, nuk diskutohet!

“Të gjitha pyetjet ose më saktë dilemat i kemi pasur në tryezë të vendimmarrjes sonë prej disa kohësh. Pikërisht se përse kemi pasur dilemë përkrahjen e vendimmarrjes kemi parë rrugën më të mirë të mundshme që t’i drejtohemi qytetarëve pa asnjë dallim juridik. Tani personalisht jam i lehtësuar për vendimmarrjet. Zëri i qytetarëve është kumbues dhe ne do të bëjmë ekzaktësisht atë që qytetarët kërkojnë, disa gjëra më shpejt, disa më pak ngadalë.

Proces është ky, por shumë shpejt brenda pak ditësh do të shihni anëtarët e kabinetetit që do të dalin me angazhime konkrete, për t’i kthyer njerëzve besimin që i kanë kthyer këtij procesi. Ne do të legalizojmë kanabisin për përdorim jetësor dhe do të hapim një front të ri pune. Çfarë qytetarët kanë thënë do të bëhet, nuk diskutohet!”

Për çështjet tjera, nuk po marrim përsipër t’ju prishim fundjavën meqë është para, ai që ka interes mund ta ndjek videon, ku është dhe prezantimi i plotë i kësaj maskarade qeveritare pas 8 vjet të mospërfilljes së asgjë mbi këtë tokë shqiptare!

Ndryshe, Kryeministri Edi Rama sot tha se po prezanton rezultatet e mbledhjes së opinioneve të 563.195 qytetarëve.