Kuvendi i 30 Prillit, Berisha: Kryetari i ri i PD do të zgjidhet…
Lideri historik i Partisë Demokratike, Sali Berisha, sqaroi sot se pas mbajtjes së Kuvendit të 30 Prillit, do të jetë kryesia e PD-së që do të drejtojë partinë deri në zgjedhjen e Kryetarit të ri ndërsa Presidentin e ri të Repubikës do ta propozojnë vetëm në rast se i jepet opozitës e drejta për propozim.
“Unë besoj se nuk do të vazhdojë me Komisionin e Rithemelimit, por do të zgjidhet Këshilli Kombëtar, që do të zgjedhë kryesinë dhe ajo do të jetë deri në zgjedhjen e kryetarit. Besoj de kjo do të jetë. Kryetari do të zgjidhet fill mbrapa. Për një kohë do të zgjidhet Kryesia,” sqaroi Sali Berisha atë që do të pasoi pas Kuvendit të 30 Prillit ndërsa në këtë dalje publike që tha se do të bëhet e përjavshme ndërsa komentoi dhe çështjen e Presidentit të Republikës për të cilën Kryeministri Edi Rama tha se maxhoranca i ka votat për ta zgjedhur e vetme.
“Së pari në qoftë se Edi Rama vendosë të zgjedhë me votat e tij Presidentin, ai mund ta bëjë këtë se pavarësisht se zgjedhjet ai i plaçkiti dhe ato nuk shprehin vullnetin e popullit, për fat të keq sot komuniteti ndërkombëtar vazhdon t’i dënojë ato zgjedhje kurse opozita nuk i doli zot votës së qytetarëve. Ai mund ta zgjedhë, por nuk mund të implikojë me mënyrat e tij opozitën aktuale në proces. Në qoftë se ai mendon që për shkak të dhunimit të zgjedhjeve t’i japë opozitës të drejtën e Presidentit të Republikës për të propozuar, atëherë nuk është një vendim që do merret vetëm në forumet e larta të PD-së, por edhe partive të tjera opozitare. Mendoj të mos angazhohemi në diaskutime që nuk iu ka ardhur koha akoma.”
Duke konstatuar se Kryeministri Rama e ka humbur qetësinë dhe se e vetmja gjë që përpiqet të bëjë është propagandë kundër Sali Berishës, përmendja e të cilit emër, tha Ish-Presidenti ka filluar t’i kallë datën.
“Edi Rama dhe tentakulat e George Soros kanë montuar një fushatë të tërë, pasi kanë humbur shumë etapa në këtë betejë, kundër Berishës. Dalin me tezën se Berishën nuk e voton elektorati gri, por a mund të bëj një pyetje? Kush e ka mundur Edi Ramën në Shqipëri? Edi Ramën e ka mundur dy herë Sali Berisha. Kush i ka mundur socialistët në Shqipëri? Në ’92, ’96 por edhe në 2011 logoja e PD ishte më lart, në 2005…Nëse ka njeri që ka trashëgiminë e mundjes së Ramës është Berisha, po të keni ndonjë tjetër thoni,. Të gjitha këto janë paralajmërimin se PD do të fitojë, se unë po bëj gjithçka për PD. Ndaj viktimë e kësaj propagande që montohet nga Rama dhe tentakulat e Soros ndaj Berishës, u them se ky është revolucion i pandalshëm. I vutë re mbrëmë se sa herë përmende emrin tim i dridhej zëri, shiheni i videon e opinion, ka humbur qetësinë.”
Në fund, Këshillimin Kombëtar, Ish-Presidenti i Republikës, Sali Berisha, e cilësoi si procesin më antiligjorin që ka ndodhur ndonjëherë ndërsa sqaroi pasojat:
“Është një proces më anti-ligjor që ka ndodhur ndonjëherë, unë e denoncova edhe në parlament, se Agjencia e Këshillimit në mënyrë të kundërligjshme por edhe shkatërruese ka angazhuar pa autorizim të parlamentit INSTAT. Ky është një institucion që varet nga parlamentit. INSTAT në këtë rast ka përpunuar statistika të qeverisë shqiptare. Ministria e Financave, Banka e Shqipërisë dhe INSTAT mund të prodhojë statistika. Rama për të rrënuar INSTAT krijojë agjencinë e mashtrimit dhe shprehën falsitetin e realiteti dhe kjo nuk kishte ndonjë gjë të madhe, por keqardhja është se ka nxirë INSTAT, dhe me këtë akt, ka shumë mundësi që EUROSTAT të mbajë qëndrime,” tha lideri historik i PD, Sali Berisha i cili kundërshtoi idenë e legalizimit të kanabisit ndërsa u shpreh se vendimi i Kryeministrit Edi Rama është totalisht i dëmshëm.
