Ukrainë, një varrezë masive u gjet pranë Kievit pas tërheqjes së forcave ruse

Një zyrtar ukrainas tha se një varrezë masive me dhjetëra trupa civilësh është gjetur në fshatin Buzova pranë Kievit, pasi forcat ruse u tërhoqën nga zonat në veri të kryeqytetit.

Taras Didych, kreu i komunitetit Dmytrivka që përfshin Buzovën, tha se trupat u gjetën në një gropë pranë një pike karburanti.

Trupat, raporton RFE, ishin zbuluar gjithashtu në një duzinë makinash të granatuara në një rrugë kryesore që kalon përmes Buzovës, tha ai.

“Tani po kthehemi në jetë, por gjatë okupimit kishim ‘pikat tona të nxehta’, shumë civilë vdiqën,” tha Didych për televizionin ukrainas.

Kombet e Bashkuara kanë qenë në gjendje të konfirmojnë më shumë se 1700 vdekje të civilëve në Ukrainë. Por, numri aktual i të vdekurve besohet të jetë shumë më i lartë.

Gjatë javës së kaluar, imazhet nga Buça, qytezë në verilindje të Kievit shkaktuan reagim botëror.

Zyrtarët lokalë, raporton RFE, thanë që më shumë se 300 njerëz janë vrarë nga forcat ruse vetëm në Buça dhe rreth 50 prej tyre janë ekzekutuar. Moska ka hedhur poshtë këto pretendime.