Balluku: Familjet që harxhojnë më tepër se 700 kWh do të paguajnë…

Pas mbledhjes së Këshillit të Minsitrave, Ministrja e Infrastrukturës dhe Energjisë, Belinda Balluku, duke sqaruar paralajmërimin e kryeministrit Edi Rama për rritjen e çmimit të energjisë tha se nuk bëhet fjalë për klasifikimin e familjeve të pasura dhe të varfra, por ata që harxhojnë më shumë do të paguajnë më shumë. 700 kilovat/orë është thjesht në kuadrin e propozimit dhe se nuk ka ende një vendim.

“Kryeministri nuk e ka thënë të pasur dhe të varfër, nuk mund t’i ndajmë kështu. Nuk kemi ndonjë synim që ti klasifikojmë kështu. Kryeministri i referohet personave që konsumojnë më shumë energji. Ne po bëjmë një studim se sa kilovat orë i duhet familjeve normale për të konsumuar. Për të pasur elektroshtëpiake, ngrohje mesatare dhe për të pasur një familje mesatare. Përsa i përket familjarëve, duke pasur një analizë të mirëfilltë, cila konsiderohet një sasi që mund të sigurojë energjinë. Sot po bëjmë diferencimin e një fashe. Rreth 700 kilovat orë është fasha,” tha Belinda Balluku ndonëse qytetarët e kanë kuptuar se cili është rezultati i këtij “studimi” edhe kur ministrja e Energjisë thotë se nuk është vendosur.

“Nuk është marrë një vendim. Rreth 700 kilovat orë është mesatarisht sasia e energjisë që konsumon një familje. Ata që harxhojnë më shumë, do paguajnë më shumë. Ne na është dashur t’i futemi kësaj analize për të klasifikuar energjinë e nevojshme. Kush do harxhojë më shumë, do e paguajë.”