“Platforma për bashkimin e PD”, Ervin Salianji: Për interesa meskine!
Pas prezantimit të Platformës, siç e quajti Kryetari i Grupit Parlamentar të PD, Enkelejd Alibeaj, për bashkimin e PD, e cila tha se ka mbështetjen e 31 deputetëve, ka reaguar njëri ndër mbështetësit më të egër të Lulzim Bashës më 8 Janar, deputeti Ervin Salianji duke theksuar se Dokumenti i paraqitur është tërësisht i ndryshëm nga ai që personalisht iu paraqit dje 5 minuta para konferencës së anulluar për shtyp!
“Dorëheqjet duke mos hequr dorë nuk janë zgjidhje ashtu si çdo proçes i njëanshëm është i dëmshëm për Partinë Demokratike! Forma, mënyra dhe përgatitja e këtij dokumenti mbyllin rrugën për çdo diskutim të përbashkët dhe krijojnë premisat për ndarjen përfundimtare të Partisë Demokratike!” thekson Ervin Salianji në reagimin e tij përmes rrjetit social Facebook duke shtuar se përgjegjës për krijimin e 2 partive do të jenë ata që dukshëm po venë interesat e përfitimeve personale mbi intereat e demokratëve!
“Pas deklarimit publik të ketij dokumenti mbyllet dera për çdo zë racional dhe për të mbrojtur çdo interes që zgjedhjet brenda partisë të jenë gjithpërfshirëse! Koha do të zbulojë se si kjo deklaratë publike bëhet për interesa meskine, me stradegjinë e qartë qe Partia Demokratike të ndahet dhe të krijohen 2 parti!” thekson deputeti i PD, Ervin Salianji duke e bërë të qartë se përgjegjës do të mbahen ata që përpiqen të mbajnë me thonj privilegje të pamerituara dhe përfitime tërësisht personale!
Ndryshe, Kryetari i Grupit Parlamentar të PD, Enkelejd Alibeaj, sot prezantoi Platformën për bashkimin e PD e cila mbështetet nga 31 deputetë të cilët mbështetën Lulzim Bashën në shkatërrimin e Partisë Demokratike. Këtë Platformë, ende pa e prezantuar Enkelejd Alibeaj që thotë se është autori, e ka hedhur poshtë lideri historik i PD, Sali Berisha!
Reagimi i plotë:
Çdo deklaratë e njëanshme pa marrë as dakortësinë për publikim të shumë prej kolegëve e përçan dhe ndan Partinë Demokratike, përforcon idenë që ka llogore dhe i fryn ndasive që ekzistojnë! Dokumenti i paraqitur është tërësisht i ndryshem nga ai që personalisht mu paraqit dje 5 minuta para konferencës së anulluar për shtyp!
Forma, mënyra dhe përgatitja e këtij dokukenti mbyllin rrugën për çdo diskutim të përbashkët dhe krijojnë premisat për ndarjen përfundimtare të Partisë Demokratike!
Përgjegjës për krijimin e 2 partive do të jenë ata që dukshëm po venë interesat e përfitimeve personale mbi intereat e demokratëve!
Doreheqjet duke mos hequr dorë nuk janë zgjidhje ashtu si çdo proçes i njëanshëm është i dëmshëm për Partinë Demokratike!
Pas deklarimit publik të ketij dokumenti mbyllet dera për çdo zë racional dhe për të mbrojtur çdo interes që zgjedhjet brenda partisë të jenë gjithpërfshirëse! Koha do të zbulojë se si kjo deklaratë publike bëhet për interesa meskine, me stradegjinë e qartë qe Partia Demokratike të ndahet dhe të krijohen 2 parti!
Ofertat publike apo ultimatumet janë një gjuhë që nuk i rrijnë për shtat as një komunikimi normal me kundërshtarin politik dhe jo më me pjesëtarët e të njëjtës familje politike. Forumet e partise aty jane, mungon vetem vullneti ne rastin me te mire apo akoma me keq synimi per ta ndare PD në pjese!
Përgjegjës do të mbahen ata që përpiqen të mbajnë me thonj privilegje të pamerituara dhe përfitime tërësisht personale!
