Përkeqësimi motit 21-23 Prill, DPT: Dallgët deri në 4 metra, pezullohet lundrimi i mjeteve të vogla
Drejtoria e Përgjithshme Detare, DPT, duke raportuar për përkeqësim të motit dhe situatës detare në Republikën e Shqipërisëju thekson se si rezultat i erave të forta me drejtim Jug-Juglindje nga mbrëmja e 21 prillit deri deri mëngjesin e datës 23 prill, moti në të gjithë bregdetin shqiptar do të jetë përkeqësuar prandaj dhe pezullohet lundrimi i mjeteve të vogla lundruse si dhe anijet e peshkimit.
“Bregdeti shqiptar do të përfshihen nga era me shpejtësi deri në 20m/s dhe lartësia e dallgës së detit arrin në 2.50 deri 4.00 m ku forca e detit shkon 5-6 deri 7-8 ballë. Kushtet e motit përmirësohen në datën 23 prill 2022 mbas orës 06:00,” thekson Drejtoria e Përgjithshme Detare duke i bërë thirrje të gjithë drejtuesve të mjeteve lundruese të marin masa për sigurimin e mjeteve lundruese me qëllim parandalimin e ngjarjeve dhe situatave detare.
Ndërkohë raportohet se për shkak të erërave të forta nga Llogaraja deri në Rradhimë kanë ngelur pa energji elektrike ndërsa Bashkia Vlorë i ka bërë thirrje qytetarëve që të shmangin lëvizjet e panevojshme me automjete në akset problematike pasi meteorologët kanë paralajmëruar mot të përkeqësuar dhe stuhi në vazhdim.
Njoftim
për përkeqësim të motit dhe situatës detare në Republikën e Shqipërisë
Drejtoria e Përgjithshme Detare ju njofton se si rezultat i erave të forta me drejtim JUG-JUGLINDJE në datën 21 prill 2022 në orën 22:00 deri më datën 23 prill 2022, moti në të gjithë bregdetin shqiptar do të jetë përkeqësuar.
Bregdeti shqiptar do të përfshihen nga era me shpejtësi deri në 20m/s dhe lartësia e dallgës së detit arrin në 2.50 deri 4.00 m ku forca e detit shkon 5-6 deri 7-8 ballë. Kushtet e motit përmirësohen në datën 23 prill 2022 mbas orës 06:00.
Për shkak të kushteve të motit të përkeqësuara, pezullohet lundrimi i mjeteve të vogla lundruse si dhe anijet e peshkimit.
Drejtori e Përgjithshme Detare ju bën me dije që të gjithë drejtuesit e mjeteve lundruese të marin masa për sigurimin e mjeteve lundruese me qëllim parandalimin e ngjarjeve dhe situatave detare.
