Nesër Kuvendi Kombëtar i PD, publikohet lista e kandidatëve për Këshill Kombëtar
Nesër zhvillohet Kuvendi Kombëtar i Partisë Demokratike me fillim në orën 10:00 në Pallatin e Kongreseve.ku pritet të zgjidhet dhe Këshilli i ri Kombëtar i PD.
Drejtorja e Komunikimit e PD, Floriana Garo, duke dhënë detajet e Kuvendit i cili u organizua nga Komisioni i Rithemelimit publikoi dhe listën e kandidatëve që janë në garë për Këshillin Kombëtar, mënyrën e verifikimit të delegatëve dhe faktin se deputetët dhe kryetarët e rinj të degëve do të jenë automatikisht anëtarë të Këshillit Kombëtar për shkak të posteve që mbajnë.
“Nesër në datë 30 Prill, në orën 10:00, në Pallatin e Kongreseve do të mbahet Kuvendi i PD-së. Verifikimi i delegatëve do të bëhet në mënyrë dixhitale si në Kuvendin e kaluar, me bexhë dhe kod unik për secilin delegat. Do të ketë shumë diskutantë, personalitete që i bashkohen Kuvendit të PD-së, kontributorë ndër vite të PD-së, të rinj dhe prurje të reja, themelues të PD-së, anëtarë të Komisionit të Rithemelimit dhe drejtues,” tha Floriana Garo duke dhënë detaje edhe rreth procesit të votimit për Këshillin e ri Kombëtar:
“Procesi i votimit pritet të fillojë rreth orë 14:00. Do të vijojë derisa të ketë votuar edhe delegati i fundit. Pas një procesi të gjatë propozimesh dhe konsultimesh, Komisioni i Rithemelimit të PD-së miratoi listën e plotë të kandidaturave për anëtarë të Këshillit Kombëtar. Në këtë listë gjenden vlera të spikatura akademike dhe politike të PD-së dhe shoqërisë shqiptare. Në këtë listë ka politikanë, akademikë, artistë, intelektualë, themelues të PD-së, të rinj dhe të reja, zonja dhe zotërinj me reputacion të lartë dhe vlera dhe kontribute të shumta,”- tha Drejtorja e Komunikimit e PD, Floriana Garo, e cila më pas lexoi listën me emrat e kandidatëve:
