Shqiptarët kanë vetëm një alternativë, Berisha: PD e rithemeluar mbi vlerat konservatore!

Shqiptarët kanë vetëm një alternativë, PD e rithemeluar mbi vlerat konservatore, tha lideri historik Sali Berisha, në fjalën e tij në Kuvendin Kombëtar të Partisë Demokratike ndërsa kishte mesazh të qartë dhe për ata që mendojnë, apo besojnë se mund të mbajnë një pseudopozitë në këmbë: Gaboni rëndë! Opozita është moral, pushet moral. Ajo nuk emërohet, nuk delegohet, ajo buron nga shpirti dhe zemra!

Fjalën e tij në Kuvendin Kombëtar të Partisë Demokratike, lideri historik i PD, Sali Berisha, e nisi me falënderime dhe mirënjohje:

“Demokratë dhe demokrate, do filloj fjalën time me një mirënjohje ndaj jush. Se qëndruar ju në ideale të larta njerëzore dhe jemi sot këtu më të fortë se kurrë. Rrofshi ju, Zoti ju bekoftë. Të dashur delegatë dhe delegate të Rithemelimit, të PD të rithemeluar, kontribuoni në punimet e këtij Kuvendi përcaktues jo vetëm për fatin e PD, por dhe të pluralizimit dhe lirisë së shqiptarëve. Të dashur deputetë drejtues, ju përshëndes në këtë sallë.

Të dashur ish-themelues të PD-së, Albana, Belind, Bislim, drejtues të organizatave partnere, Kuvendi është rruga e sigurt e fitores së PD, koha ju thërret sot. Të dashur të pranishëm këtu, i dashur zoti Martin, miku im i përhershëm, i dashur Virginio, prania juaj sot është nder i madh. Shpreh falënderime dhe mirënjohje partive tuaja, që në fillimet e PD, në ditët dhe hapat e para të kësaj partie antikomuniste, partitë tuaja kanë qenë mbështetëse,” Sali Berisha duke shtuar se rruga e rithemelimit të PD-së që nisi me Foltoret si fole e njerëzve të lirisë ishte një rrugë që na iu imponua ndërsa Lulzim Basha e konsideroi partinë si sipërmarrjen e tij private, parimet dhe vlerat konservatore i zëvendësoi me pazaret dhe bizneset me qeverinë.

“Rruga e rithemelimit të PD-së që nisi me Foltoret si fole e njerëzve të lirisë ishte një rrugë që na u imponua. Kjo rrugë jetike dhe shpëtimtare për ne në demokracinë e vendit, u imponua sepse ne në 8 vite po kalonim nga disfata në disfatë, nga zhgënjimi në zhgënjim, nga dështimi në dështim. Të gjitha këto për shkak të një udhëheqjeje, të një drejtuesi të papërgjegjshëm, Lulzim Basha i cili e konsideroi këtë parti si sipërmarrjen e tij private.

Parimet dhe vlerat konservatore i zëvendësoi me pazaret dhe bizneset me qeverinë. I cili së fundi përfundoi i ngërthyer nga të gjitha anët dhe u vërsul me tërbim, me vendime, praktika, qëndrime fund e krye antidemokratike.

Shkelmoi sovranitetin e PD-së, forumet, statutin, anëtarësinë e saj.

Ne, pas zgjedhjeve të 25 prillit, të cilat ishin zgjedhjet më të dhunuara në historinë e Shqipërisë, ky zotëri në vend se të merrte avokatinë e votës, mbrojtjen e saj, filloi pazaret me narkoqeverinë, votoi borxhet dhe në mënyrën më skandaloze, bllokoi komisionin hetimor të zgjedhjeve duke tradhtuar në këtë mënyrë çdo demokrate dhe demokrat që votoi për PD-në.

Në qoftë se këto ishin qëndrime të papërgjegjshme e të dënueshme të drejtuesit të kësaj partie,. përsëri PD-ja për të cilën filluan të flasin se duhet të shuhet sepse ajo është vite larg misionit të saj, sepse është shndërruar në pseudo opozitë, këto nuk ndodhën sepse shqiptarët që e sollën më 25 prill vendosën të mbushin sallat, sheshet dhe të rithemelojnë atë, të shpëtojnë atë dhe demokracinë shqiptare.”

Me këtë rast Sali Berisha kishte një mesazh për të gjithë ata që mendojnë e besojnë se mund të mbajnë një pseudopozitë në këmbë:

“Nuk e kishim të lehtë këtë rrugë. U përballëm këtë muaj me egërsinë e narko-shtetit, miliardat e parave të drogës dhe krimit. U përballëm me kurthe të neveritshëm të ish-drejtuesit të saj. E vërteta, u përballëm me përpjekje të jashtëzakonshme, të Soros dhe Mafias së tij, për të shkatërruar opozitën shqiptare, për ta shndërruar si gjethe fiku të së majtës së Ramës. Por këto përpjekje dështuan.

Unë dua t’’ju them të gjithë atyre që mendojnë, apo besojnë se mund të mbajnë një pseudopozitë në këmbë: Gaboni rëndë! Opozita është moral, pushet moral. Ajo nuk emërohet, nuk delegohet, ajo buron nga shpirti dhe zemra. Ata janë burra dhe gra të thjesht në punët e tyre, por në ndërgjegjen e tyre e dinë se pseudoopozita është një limon i shtrydhur nga i cili pasi plotëson shijet, bën sikur se njeh më. Pseudo opozita është fasadë në të cilën askush nuk do të banojë. Ndaj ku jemi sot, opozitë e vërtetë, në këmbë, të gatshëm, për çdo betejë! Përsëri, lidhur me këtë çështje dua të shtoj dy-tre gjëra,” tha Berisha që të pashmangshme e kishte të flas dhe për sanksionua nga Departamenti amerikan i Shtetit:

“Është bërë e njohur se unë jam sanksionuar nga DASH me akuza për të cilat në mënyrë absolute nuk ekziston asnjë fakt, provë, dokumente. Jam sanksionuar nga lobimi korruptiv i Soros dhe Ramës. Megjithatë, them këtu se cilido që do të paraqesë një fakt, provë, dokument më të vogël kundër Sali Berishës, ai është i gatshëm që të marrë çdo masë ndaj vetes së tij.

Por unë theksoj se jam Sali Berisha.

Kurrë, kurrë, kurrë, shpifjen, gënjeshtrën se pranoj për të vërtetë. Jam mirënjohës juve pa kufij që ndani me mua këtë qëndrim. Kemi muaj që për shkak të këtyre ndërhyrjeve ne merremi me veten tonë, por ky Kuvend shënon fundin e këtij kapitulli, hap kapitullin e përballjes me qeverinë më të korruptuar të Evropës, me qeverinë e kryesuar nga Rama. Kryeministri, absolutisht më i pashkollë në historinë e shtetit shqiptar.

Po dhe po, Shqipëria, shoqëria shqiptare në të katër anët e saj lëngon. Rama vret shpresën, në çdo skaj, në çdo vatër, rrugë, fshat apo shesh të Shqipërisë,” por lideri i PD është i bindur:

“Ne para së gjithash, duhet të bëjmë gjithçka për të kthyer te shqiptarë shpresën. Detyrë e vështirë por e mundshme.”