Tabaku: Deputetët e PS po mbrojnë aferën e madhe të Ramës me Teatrin, miliona euro po…

Qeveria i është shmangur pyetjeve të deputetëve të opozitës lidhur me fondet që duhen për ndërtimin e Teatrit Kombëtar.

Deputetja demokrate Jorida Tabaku tha se fondet nuk mungojnë përderisa shpenzohen qindra miliona euro për projektet e Rilindjes urbane, blerjen e automjeteve dhe luksin e zyrave.

“Përse ka fonde për të restauruar qendrat e qyteteve 500 milionë euro, për luksin e ministrive, për blerjen e automjeteve mbi 100 milionë euro dhe nuk ka 30 milionë euro për Teatrin Kombëtar?” – u shpreh Jorida Tabaku në Komision e Ekonomisë.

Këto pyetje nuk morën asnjë përgjigje as dje nga Ministri i Financave Arben Ahmetaj dhe Ministrja e Kulturës Mirela Kumbaro.

“Kuptoj se deputetët dhe qeveria janë thjesht fasadë për të mbrojtur një aferë të madhe korruptive”, tha Tabaku.