Në vitin 2024, nga Velipoja në Ulqin, vetëm për dhjetë minuta

Në gushtin e vitit 2024, dy qytetet bregdetare shqiptare, Ulqini dhe Velipoja, do të jenë vetëm 10 minuta udhëtim larg njëra-tjetrës.

Ndërtimi i urës, thekson Kryeministri i Malit të Zi, Dritan Abazoviç, duke dhënë detaje përmes një postimi në Facebook për urën që pritet të ndërtohet mbi Bunë, do të shkurtojë distancën mes Ulqinit dhe Velipojës nga 73 kilometra në vetëm 1 kilometër.

Sipas të dhënave të publikuara nga Abazoviç, gjatësia e urës do të jetë 310 metra. Ajo do të jetë 17 metra e gjerë dhe do të ketë dy korsi trafiku, secila nga 3 metra e 75 centimetër.

Gjithashtu  do të ketë trotuare nga 2 metra në secilën pjesë dhe korsi për biçikleta me gjerësi 1 metër e 25 centimetër.

Sipas Kryeministrit të Malit të Zi, Dritan Abazoviç, , ura pritet të përfundojë në gushtin e vitit  2024.