Kryetari i PD: Protesta antiregjim në të gjithë vendin!
Kryetari i Parrisë Demokratike, Sali Berisha, tha sot se opozita do të fokusohet në zgjedhjet lokale dhe në protesta në të gjithë vendin ndërsa sulmoi sërish Enkelejd Alibeajn, për të cilin tha se me pseudo opozitën po bëhen fasadë e Kryeministrit Edi Rama në reformën territoriale dhe reformën zgjedhore.
“Betejë elektorale në njërin front, betejë antiregjim në frontin tjetër. PD duhet të shfrytëzojë çdo lloj potenciali. Nuk mund të heshtet kjo që po ndodh me shqiptarët. A e dini ju që çmimi i naftës mes Shqipërisë dhe Zvicrës lëvizte 10 cent dollarë, ndërkohë që zviceranët e kanë rrogën minimumi 8 herë më të lartë. Kreu i kësaj drame në vend që tu flasë shqiptarëve për çmimin e naftës u flet për Formula 1, si e si të largojë çdo lloj përgjegjësie apo interesi për dhimbjen që u shkakton me bordet e tij,” tha Sali Berisha ndërsa denoncoi bashkëpunimin e Edi Ramës me pseudo opozitën për reformën territoriale dhe reformën zgjedhore.
“PD denoncon përpjekjet e Edi Ramës dhe bashkëpunimin e tij me pseudo opozitën për reformën territoriale dhe reformën zgjedhore. E konsiderojmë këtë akt të Alibashës si një nga aktet më të shëmtuara që ai bën në kurriz të vendit me Edi Ramën. PD do të paraqesë shumë shpejt qëndrimin e saj lidhur me këto reforma. Sa i përket komisionit për investimet strategjike nuk kam asgjë kundër, por zhvillimet janë shumë shqetësuese dhe do ti ndjekim. Ka të dhëna që synimet janë të kundërta me atë që presin qytetarët. Në rast se do të bëhet transparencë e vërtetë, do ta duartrokasim, por në rast se do të përdoren për të mbuluar afera më të mëdha siç është porti i Durrësit apo Butrinti, çka ne kemi disa të dhëna paraprake do reagojmë në kohë.”
Ndërkohë thirrjen e Gazment Bardhit në Prokurori, në kuadër të hetimeve për vrasjen e Pjerin Xhuvanit në Elbasan, për Kryetarin e PD, Sali Berisha, është dështi se SPAK është i kapur pasi përgjegjës politik për këtë vrasje është dhe Taulant Balla.
“Jam shprehur në parlament që të dy ata janë përgjegjës politik për ngjarjen, por të thërrasësh Bardhin pa Ballën, vetëm provon SKAP-in e partisë. Balla nxori njerëzit me karta dhe me lista votimi duke shpërndarë para. Nuk jam për hetime të njëanshme, por hetime të vërteta dhe s’mund të pranoj hetimin e njëanshëm në asnjë radhë,” duke kujtuar se Alfred Shehaj, prokurori që mashtroi qytetarët në mënyrën më të paskrupullt shkoi në SPAK dhe si mund t’i besohet Prokurorisë së Posaçme tani.
