Bordi i Transparencës ul sërish çmimet e karburanteve

Bordi i Transparencës në mbledhjen sotme ka ulur sërish çmimet e karburanteve.

Kështu, nafta do të tregtohet me 6 lekë më pak ose 243 lekëpër litër, ndërsa çmimi i benzinës do të jetë 7 lekë më pak ose 235 lekë për litër.

Ndërkohë çmimi i gazit ka pësuar një ndryshim vetëm për tu quajtur ulje, dhe një litër gaz do të tregtohet me 81 lekë nga 83 lekë për litër sa ishte nga vendimi i fundit i Bordit.

Çmimet e caktuara nga Bordi i Transparencës do të hynë në fuqi sot datë 1 Korrik ora 18.00 p.m dhe do të jenë të vlefshme deri në mbledhjen e ardhshme të Bordit.

Njoftim:

Bordi i Transparencës në datë 1 Korrik 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 243 lekë/litri, ndërsa i shitjes me shumicë jo më shumë se 231 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 235 lekë/litri, ndërsa i shitjes me shumicë jo më shumë se 223 lekë/litër.

Çmimi i shitjes me pakicë i nënproduktit gaz, të jetë 81 lekë/litri me pakicë dhe i shitjes me shumicë 69 lekë/litër për automjetet.

Çmimet e caktuara nga Bordi do të hynë në fuqi sot datë 1 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.