Edi Rama: Jemi pranë një zbulimi shumë të madh të gazit dhe naftës në nëntokën shqiptare

Gjatë një bashkëbisedimi me përfaqësues të biznesit në Holandë që operojnë aktualisht në Shqipëri, si dhe investitorët e interesuar për të zgjeruar aktivitetin, Kryeministri Edi Rama, tha se jemi pranë një zbulimi shumë të rëndësishëm të gazit dhe naftës nën tokë, që do të ndikojë të ardhmen e vendit tonë.

“Holanda ka prezencë të mirë në Shqipëri. Këtu janë disa prej aktorëve më kryesorë të kësaj pranie, në një marrëdhënie shumë të rëndësishme për ne që duam ta thellojmë sa më shumë të jetë e mundur. Kemi kënaqësinë dhe privilegjin që kemi në vendin tonë Shell-in,” tha Edi Rama duke shtuar se kjo kompani heziton të flas për momentin për shifra por ai si shtatanik që është ia plasi:

“Ne kemi shumë shpresë se së shpejti mund të ndajmë me opinionin publik një zbulim shumë të rëndësishëm që Shelli po arrin në vendin tonë. Shenjat tregojnë se mund të jemi pranë një zbulimi shumë të rëndësishëm të gazit dhe naftës nën tokë, që do të ndikojë të ardhmen e vendit tonë por edhe do të luajë rol në të ardhmen energjetike të Europës.”