Pas 7 Korrikut, Berisha: Së shpejti në ngjarje të tjera të rëndësishme për shqiptarët!

Kryetari i Partisë Demokratike, Sali Berisha, sot doli në konferencën e përjvashme për media por ajo ishte paksa ndryshe pas protestës së 7 Korrikut ku triumfues i kësaj proteste madhështore rezultoi se ishte vetë ai përballë skeptikëve, impiantit propagandistik të Edi Ramës dhe Lulzim Bashës si dhe terrorit shtetëtor që nuk kurseu as zonat më të thellal rurale për penguar pjesëmarrjen.

Protesta e 7 korrikut tregoi opozitën bio, tha Berisha, e cila ia dau frymën, e la pa fjalë, e mahniti, do të thotë e tmerroi Edi Ramën, dhe misionarët të cilët ishin në shesh nuk do të ndalen deri në realizmin e qëllimit të tyre.

Duke refuzuar çdo rrugë tjetër për marrjene pushtetit përveç se me votë, Kryetari i PD, Sali Berisha, tha se në një mandat të ri do t’i bënte shqiptarët të harrojnë Berishën e dytë, ndërsa renditi edhe arsyet perse shqiptarët duhet t’i besojnë Partisë Demokratike.

” Mirëdita! Jam sot këtu para jush për të shprehur mirënjohen time më të thellë. Falënderimet e mia më të përzemërta, ndaj të gjithë atyre qytetarëve, demokratë, anëtarë të shoqërisë civile, anëtarë të partisë politike opozitare, qytetarë pa parti.

Mbrëmë në Bulevardin dëshmorët e Kombit të gjithë ata që erdhën nga çdo skaj dhe lagje e Tiranës dhe e Shqipërisë, nuk ishin aty për Sali Berishën. Nuk ishin aty për thjesht ‘një protestë’. Ishin të gjithë misionarë, njerëz burra gra të rinj dhe të reja në përmbushje të një misioni. Në këtë aspekt forca e një tubimi misionar madhështor nuk është e jashtëzakonshme, por nuklerare. Ju them unë. Njerëzore nukleare,” tha Sali Berisha në konferencës e tij të përjavshme duke shtuar:

“Në shesh ishe opozita bio, pa bilbila dhe kumrie , komunikonte direkt me misionaret në shesh dhe kjo ishte e një rëndësie të jashtëzakonshme. Kjo ishte shkaku që njerëzit u larguan pa thënë çdo të bëjnë sepse e dinë që do të vijnë prapë edhe do të bëjnë. Këto kisha unë për ditën e bekuar të 7 korrikut,” tha Kryetari i PD duke veçuar dy elemente që dolën nga protesta e djeshme që u mbajt para Kryeministrisë, në shenjë kundërshtie ndaj qeverisë Rama.

“Nuk del kush në vapë në korrik se i thërriste një njeri, por dolën se i thërriste vendi, vendi i tyre për shpëtim. Data 7 do të mbahet si datë historike për kombin dhe botën. Dy gjera nga ajo protestë dua t’u them. Ndoshta i keni kapur më mirë se unë. Qytetarët do më thoshte një mik i imi që ndodhej te ministria e Brendshme. Ajo që më bëri përshtypje se i thonin njëri-tjetrit; sa mirë ke bërë që ke dalë. Pra e ndjejnë detyrën madhore, që po kryeni një detyrim madhor. E dyta; absolutisht se secili është larguar me bindjen për t’u kthyer sërish. U larguan të qetë, paqësor, pasi dhanë një mesazh të fortë Ramës; Dorëhiqu. Largohu nga pushteti!”

Ndonëse mbrëmë u shpreh qartë se e shpalli armik Edi Ramën, duke i thënë se ai do vetëm pushtetin kurse Berisha me këta burra, gra, djem e vajza ka parim lirinë dhe vetëm lirinë, duke u betuar para flamurit se votën kurrë nuk do t’ia fal Kryeministrit aktual, Ish-Presidenti Sali Berisha edhe në daljen e sotme publikua u detyrua të sqaroj këtë deklaratë pasi u pyet nga mediat në shërbim të Edi Ramës:

“Në fakt, po nuk iku, do ta heqim. Meqenëse shtrove çështjen kam këtë koment. Dje kam deklaruar para shqiptarëve dhe botës, Edi Ramën, armik. Armik! Dhe sigurisht mund të ketë patur dhe mund të ketë njerëz që mendojnë se kjo ishte e rëndë. Unë e kam deklaruar atë armik me bindjen më të thellë të gjendjes sime. E para për monizmin që vendosin. E rrëzuam monizmin në vitet ’90, e kishin etërit e Edi Ramës, dhe e ktheu Rama në vitet 2021-2022. Monizmin e ktheu duke rrëmbyer votën e shqiptarëve, që për mua është thelbi I lirisë. Duke I marrë votat me patronazhistët, duke i armatosur si terroristë të kuq me të dhënat personale të shqiptarëve.

Ai rrëmbeu votat me thasë eurosh me banda, me gjak. Në votat e Taulant Ballës është gjaku i Pjerin Xhuvanit. Pra vendosi Rama monizmin qe e rrëzuam në vitet 90. Dhe kjo përbën absolutisht kauzus-blein dhe ta marrë vesh çdo shqiptar dhe kushdo tjetër se Edi Rama do trajtohet si armik i votës së lirë dhe kurrë nuk do të prekë më votën e shqiptarëve. Me çdo çmim dhe sakrificë shqiptarët do votojnë të lirë. Gaboi, gaboi dhe gaboi shumë rëndë. Edi Rama është sot 25 vjet në pushtet, nuk i ka prekur kurrkush një votë të vetme. Në 2011 kur humbi bashkinë çdo votë është numëruar përpara 5 kamerave televizive. Janë numëruar votat e hedhura gabim se në kodin e Venecias detyrohet numërimi i votave të hedhura gabim. Ne zbatuam standardin ndërkombëtar dhe Edi Rama s’qe i zoti të kundërshtojë një votë të vetme.

Së dyti Edi Rama mori pushtetin nga ata që kishin pushtetin dhe kishin 48% të pushteteve në vend. Ju mund të thoni se sot i ka 100% për faktin se Lulzim Basha bojkotoi zgjedhjet. Unë ju them se Edi Rama  e deshi këtë. Lulzim Basha bëri gabim të madh por të njëjtën rrethanë kishim në 2007, Edi Rama donte me çdo kusht të bojkotonte zgjedhjet lokale, të cilat 80% ishin në duart e kryebashkiakëve socialistë. 5 muaj u shtynë zgjedhjet lokale, isha i gatshëm dhe 10 muaj t’i shtyja dhe në monizëm të mos shkoja. Nuk isha i gatshëm kurrë ta ktheja në monizëm kombin tim. Edi Rama është demon pushteti. Nuk njeh model tjetër veç modelit të etërve të tij dhe pushtetin e përdor për vjedhjet e tij të pandalshme, të pangopur.”

Pasi Edi Rama e konfirmoi mbrëmë se kush është rivali i tij serioz politik, sot ai u pyet nga gazetarët nëse PD është gati për zgjedhje të parakohshme nëse rrethanat e kërkojnë:

“Mendoj se tubimi i misionarëve dje, dëshmoi se ku ndodhet PD me veten e saj. Ishte një përgjigje. PD ishte në protestë, se ka individë që preferojnë të çojnë dolli me Edi Ramën ajo është zgjedhja e tyre. Por PD ishte dje më e bashkuar se kurrë. Siç e thashë largimi i Edi Ramës nga pushteti është objektivi imediat i kësaj lëvizjeje. Themelore është përmbysja e monizmit, ndëshkimi i vjedhjes së tmerrshme dhe mbulimi i që u bën SPAK (skapi). Çdo ditë marrim informacione për mënyrën se si mbyllen aferat e Erion Veliajt, Arben Ahemtaj , Damian Gjiknurit. Në Butrin del djali i xhaxhait të Damianit, me 30 mln euro del Thanasi i Damianit. A janë rastësi këto? Jo, janë të gjitha plaçkitje. PD nuk njeh formë të lirë pushteti përveç votës së lirë,” tha Berisha ku nuk i mungoi dhe pyetja nga mediat nën kontrollin e Kryeministrit se si e shikon indiferencën e Ramës ndonëse vetëm indeferencë nuk kishte, kryedemokrati ishte i prerë:

“Dje, po të përgjigjem me një shprehje shqiptarçe, protesta ia dau frymën; thotë populli. Kur themi protesta e la pa fjalë do të thotë e mahniti, ndërsa kur themi ia dau frymën do të thotë e tmerroi. Shiheni pak, kishte dalë në një nga këto anësoret e rrugës dhe kaluan amerikanët tha dhe u mahnitën nga rruga , rruga ishte vetëm 10 m e gjerë. Se çfarë kishte ajo nuk e di,” tha në fund Kryetari i PD duke treguar dhe arsyet pse shqiptarët duhet t’a votojnë për të drejtuar Shqipërinë:

“Në një mandat të ri Sali Berisha do ti bënte shqiptarët të harronin Sali Berishën e dytë. Do rivendosin liritë dhe të drejtat e tyre dhe do kishte ndryshime substanciale në gjendjen ekonomike. Në këtë qeverisje borxhi është rritur dhe rrogat dhe pensionet sot janë 30 % për qind më të ulëta në proporcion me inflacion. Do të kishte një minimum jetik, dyfishim dhe mbidyfishim të rrogave dhe pensioneve. Do kishte transformim rrënjësor të arsimit. Do kishte transformim rrënjësor të dinjitetit. E the bukur ti, ike votuan kundër dhe unë u thashë mirupafshim. Agjenda ime është liria për shqiptarët. Tani e mbyll një falënderim për stafin, bashkëpunëtorët,” tha Kryetari i PD, Sali Berisha i cili për protestën e radhës tha se nuk është caktuar data se kur do të mbahet, gjithsesi kishte një përgjigje për fund:

“Së shpejti në ngjarje të tjera të rëndësishme për shqiptarët!”