A do të ketë të tjera tërmete në orët në vijim? Specialisti: Janë regjistruar 350 goditje, pritet…

Eksperti në Institutin e Gjeoshkencave, Rrapo Ormeni, u shpreh mëngjesin e sotëm se deri tani janë regjistruar më shumë se 300 goditje tërmeti. Ormeni tha në studion e Oraneës se ky tërmet është mesatar dhe tërmete të tilla me magnitudë mbi 5 janë tërmete që shoqërohen me, pas goditje.

Sipas tij, kjo ndodh sepse në goditjen kryesore nuk çlirohet e gjithë energjia e akumuluar dhe do të kërkohet të çlirohet derisa të vendoset gjendja e ekuilibrit.

“Çlirimi i saj kryhet nëpërmjet tërmeteve të tjera më të vegjël. Dhe kështu ka ndodhur me rastin konkret të këtij tërmeti që deri tani janë regjistruar 350 goditje nga të cilat dy prej tyre janë me magnitudë më të mëdha se 4, njëra 4.2 dhe tjetra 4.3”, tha ai.

Sot në mëngjes është regjistruar edhe një goditje me magnitudë 3.9. Duke u nisur nga pas goditjet, magnituda themi se kjo ka qenë goditja kryesore dhe këto janë pas goditje që vijnë duke u zvogëluar.

Sipas tij, është e pamundur të parashikohet tërmeti, por nisur nga tipologjia e këtij tërmeti, ky është tërmeti kryesor dhe këto janë pasgoditje që duke gjykuar në këtë drejtim nuk ka tërmete të tjera.