Përcaktohen gjyqtarët e ndeshjeve çerekfinale të Botërorit

FIFA ka përzgjedhur gjyqtarët e katër ndeshjeve që do të zhvillohen te premten dhe të shtunën.

Kampionati Botëror ka hyrë në fazën më interesante, ku kanë mbetur edhe tetë kombëtare në rrugëtimin drejt finales së madhe.

Ndeshjen e parë mes Uruguait dhe Francës, do ta gjykojë argjentinasi, Nestor Pitana.

Takimi tjetër i së premtes mes Belgjikës dhe Brazilit, i është besuar serbit Milorad Maziç.

Bjorn Kuipers i Holandës do të jetë gjyqtari kryesor i sfidës mes Suedisë dhe Anglisë.

Kurse takimin e fundit të çerekfinaleve ku përballen Kroacia dhe nikoqiri Rusia, do ta drejtojë, braziliani Sandro Ricci.