Sulmi në Uzinën e Armëve në Gramsh, Gjykata jep vendimin për spiunët rusë

Gjykata e Elbasanit ka lënë në burg dy rusët dhe ukrainasin të arrestuar në Uzinën e Armëve në Gramsh, të akuzuar për spiunazh ndërsa e cilësoi të ligjshëm arrestimin e tyre.

“Arrest me burg” ishte masa e sigurisë që dha gjyqtarja Pajtime Fetahu, për Svetlana Timofoeva, 33 vjeçe, Mikhail Zorin, 25-vjeç, dhe ukrainasin Fedir Alpatov, të cilët u arrestuan pasi tentuan që të hynin në ambientet e Uzinës së Armëve në Gramsh, ndërsa njëri prej tyre sulmoi edhe dy ushtarët që ruanin godinën, Adrian Xhaka dhe Aldo Bici.