Parashikimi i motit, si do të jetë fundjava dhe java e ardhshme…

Temperatura të larta, alternuar edhe me ditë që do te ketë shtrengata, kryesisht pasditeve. Është ky parashikimi i motit për fundjavën dhe javën e dytë të muajit korrik.

Të shtunën dhe të dielën, bregdeti mbetet me kthjellime dhe vranësira kalimtare; më të dukshme pasditen e së dielës, kryesisht në Veriperëndim.

Ndërsa zonat e ulëta por kryesisht ato malore, gjatë të dy pasditeve të fundjavës do të kenë vranësira të shpeshta dhe shira të përkohshëm të cilët pasditen e së shtunës fokusohen kryesisht në Veri – Verilindje por pasditën e së dielës, zhvendosen kryesisht në Juglindje dhe pjesërisht në zonat Qendrore të Shqipërisë.

TABLOJA TERMIKE: Sot pritet që temperaturat të ngjitën maksimalisht në 36°C në disa qytete të Ultësirës Perëndimore shqiptare, po ashtu në zonat malore priten temperatura mbi 33°C.

Fundjava sjell freskim të ndjeshëm të motit si pasojë e masave ajrore që vijnë nga Europa Veriore duke bërë që maksimumi termik në territor të ulet në 32°C, vlera këto tipike të muajit korrik.

Në të njëjtat vlera termike Shqipëria vijon pjesën e parë të javës që vjen por sërisht pas të enjtes pritet rritje e ndjeshme e temperaturave duke kulmuar fundjavën tjetër në vlera maksimale mbi 34°C.

Përsa i përket prezencës së shirave në javën e dytë të korrikut, do të jenë prezente gjatë pasditeve në formën e rrebesheve të shkurtra kryesisht në Veri dhe zonat Lindore por shumë pak rrezikohen zonat Qendrore ndërsa bregdeti vijon në kushtet e motit kryesisht të kthjellët.