Sulmi kibernetik, Blinken: Bashkëpunimi SHBA-Shqipëri, rëndësi për sigurinë rajonale
Sekretari amerikan i Shtetit, Antony Blinken, dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë, i cili pason sulmin kibernetik të Iranit ndaj Shqipërisë më 15 korrik.
Lajmin e bënë të ditur Ambasada e SHBA në Tiranë, pas bisedës telefonike që Sekretari i Shtetit zhvilloi me Kryeministrit Edi Rama ku theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale.
“Sekretari i Shtetit Antony J. Blinken foli dje me kryeministrin shqiptar Edi Rama. Sekretari Blinken dënoi sulmin e papërgjegjshëm kibernetik të 9 shtatorit kundër sistemeve të kontrollit kufitar të Shqipërisë, i cili pason sulmin kibernetik të Iranit ndaj Shqipërisë më 15 korrik,” tha Zëdhënësi i Departamentit të Shtetit të SHBA, Ned Price, bënë të ditur Ambasada e SHBA në Tiranë përmes rrjetit social Facebook duke përfunduar:
“Sekretari theksoi rëndësinë e bashkëpunimit SHBA-Shqipëri, si aleatë në NATO, për sigurinë rajonale.”
Ndryshe, më 7 shtator, duke bërë të ditur se agresioni kibernetik i 15 korrikut ndaj vendit tonë është orkestruar dhe sponsorizuar nga Republika Islamike e Iranit, Kryeministri Edi Rama publikoi dhe vendimin e Këshillit të Ministrave me efekt të menjëhershëm ndërprerjen e marrëdhënieve diplomatike me Iranin.
