Bordi i Transparencës rrit çmimin e benzinës me 6 lekë

Bordi i Transparencës ka vendosur sërish të ul çmimet e naftës, në përpjekje për të “korrigjuar” tronditjen që i dhanë konsumatorit me 248 lekë për litër ndërsa me vendimin e sotëm çmimi i benzinës rritet për 6 lekë

Kështu, Bordi ka vendosur që nafta të tregtohet për 8 lekë më pak me 224 lekë për litër, benzina për 6 lekë më shumë me 198 lekë ndërsa gazi do të vazhdoj të tregohet me 78 lekë për litër.

Ndryshe, çmimet e caktuara nga Bordi i Transparencës do të hynë në fuqi sot datë 15 Shtator ora 18.00 p.m dhe do të jenë të vlefshme deri në mbledhjen e ardhshme të Bordit ku do të pasqyrohen ndryshimet e çmimeve të shitjes.

Njoftim:

– Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 224 lekë/litri, ndërsa i shitjes me shumicë jo më shumë se 212 lekë/litër.

– Çmimi i shitjes me pakicë i nënproduktit benzinë e standardit SSH EN të jetë jo më shumë se 198 lekë/litri, ndërsa i shitjes me shumicë jo më shumë se 186 lekë/litër.

– Çmimi i shitjes me pakicë i nënproduktit gaz, të jetë 78 lekë/litri me pakicë dhe i shitjes me shumicë 66 lekë/litër për automjetet.

Çmimet e caktuara nga Bordi do të hynë në fuqi sot datë 15 shtator ora 18.00 dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.