Gjykata e Apelit, aty ku qanë e s’qesh PD!
nga Agim Popoci
Iluzioni i Lulzim Bashës se me Gjykatën Apelit do ta zgjidhte çështjen e drejtimit të Partisë Demokratike përmes Kryeministrit Edi Rama, ashtu siç vuri në lëvizje gjyqësorin për Lali Erin me 7 seanca gjyqësore brenda 7 ditëve, dëshmoi edhe një herë se ky njeri mund të ketë prerje vizive për lider politik ama është larg prerjes mendore dhe intelektuale!
Urdhri i Bashës për të dërguar një grup deputetësh në Gjykatën e Apelit për t’u sqaruar me fatin e çështjes së ankimuar para 5 muajve, ku kërkohet të bëhet nul Vendimi i Gjykatës së Tiranës që pranon vendimet e Kuvendit të Rithemelimit, kishte një epilog sa tragjik po aq edhe komik!
Tragjik, jo vetëm pse kjo çështje u tha nga emisarët e Lulzim Bashës se nuk ishte as në parashikimet e kësaj Gjykate për tu zhvilluar, por, konfirmoi se Reforma në Drejtësi ka dështuar përderisa gangrena kryesore e drejtësisë, Gjykata e Apelit, për të cilën qytetarët shqiptarë ka kohë që kanë hequr dorë nga drejtësia dhe kanë hapur xhepin, vazhdon të mos funksionoj! Dhe, deri sa nuk merr vendim për Kuvendin e Rithemelimit ajo 24 orë pas kësaj vizite të deputetëve informon se do bëjë seancë për Kuvendin e 17 Korrikut, atë të cilin Rithemelimi i pranuar nga Gjykata e Tiranës e bënë nul!
Komik, sepse, vërtetë Lulzim Basha përmes Edi Ramës nuk e lejoi Partinë Demokratike të pranuar ligjërisht nga Gjykata e Tiranës, të marrë pjesë në zgjedhjet e pjesshme lokale të marsit 2022, por, nuk e kishte menduar se në zgjedhjet e rregullta lokale të vitit 2023, mund të jetë ai vetë i cili nuk do të lejohet të marrë pjesë në zgjedhje! Si?!
Meqë anulimi i Marrëveshjes për Kodin Zgjedhor në pragzgjedhje të vitit 2021 nga Edi Rama manifestoi një aktor politik që nuk respekton asgjë kur është në pyetje fitorja e tij, aq më pak marrëveshje politike, duke korrigjuar në mënyrë të njëanshme Pikën që parashikonte krijimin e koalicioneve parazgjedhore, kjo mund të përsëritet edhe me Vendimin e Gjykatës së Apelit, të cilin me shumë entuziazëm po e pret bashkëkryesuesi i qeverisjes së Shqipërisë, Lulzim Basha, me asqerët e tij!
Edi Rama mund të urdhëroj Gjykatën e Apelit të mos marrë vendimin për ankimimin e grupit të Lulzim Bashës për vendimin e Gjykatës së Tiranës për Kuvendin e Rithemelimit, deri në momentin kur Kryetari i PD, Sali Berisha, të futet me kandidatët e tij në garë për zgjedhjet lokale që zhvillohen në majin e vitit 2023, përmes listës së përbashkët të Partisë së Lirisë.
Me futjen në garë të PD në kuadër të Partisë së Lirisë, konfirmimi i vendimit të Gjykatës së Tiranës për Vendimet e Kuvendit të Rithemelimit nga ana e Gjykatës së Apelit do të lë pa pjesëmarrje në garë si PD-në pa sigël ashtu dhe grupin e Lulzim Bashës që do të ngelen pa parti, pra, pa vulë dhe seli, edhe pse me listë të dorëzuar në KQZ me kandidatët për kryetar të bashkisë dhe këshillave bashkiakë!
Në këtë shtet komik, me drejtësi në duart e Edi Ramës, mund të ndodhë që Kryeministri përmes Gjykatës së Apelit të provokoj edhe situatën e rrezikshme me një vendim ndryshe, duke urdhëruar Gjykatën ta qëroj nga faqja e dheut Sali Berishën, dhe ti jap të drejtë grupit të Lulzim Bashës.
Duke pasur parasysh bombën sociale që është gati të shpërthej në Shqipëri, dhe këtë lloj vendimi të Gjykatës së Apelit që i jep të drejtë Sali Berishës dhe PD të përgjigjet me revoltë popullore, epilogu i përgjigjes së merituar ndaj një vendimi të përçudnuar të Apelit, nuk e nxjerr të humbur vetëm Edi Ramën!
Në kulmin e krizës ekonomike dhe një qeveri që po shkërmoqet nga veprat korruptive që tashmë kanë dalë sheshit, vetëm një trazirë popullore, mundësisht edhe me jete të humbura, e shpëton Edi Ramën!
Ndërkohë leksionet e analistëve ekskluzivisht të majtë që bëjnë sikur mbështesin opozitën, jo vetëm që nuk janë leksione demokracie, dhe, mund të pranohet nga ana tjetër se nuk ka në horizont një rrugëzgjidhje, janë këshilla që dalin nga goja e atyre që janë rritur aty ku është folur vetëm për gjak dhe vrasje të popullit shqiptar.
A largohet Edi Rama me votë!
E djathta nuk njeh tjetër rrugë, sido që të jetë vendimi i Gjykatës së Apelit të Edi Ramës; Vetëm me denoncimin e akteve korruptive të Qeverisë Rama, parakalimi i turpshëm i ambasadorëve të shteteve të SHBA dhe BE që sot bëhet para surratit të Kryeministrit Edi Rama, mund të devijoj rrugën drejt krijimit të kushteve për shkuljen e Ramës nga froni dhe mbajtjes së zgjedhjeve të lira dhe të ndershme.
Pavarësisht mendjes plangprishëse të Edi Ramës, shqiptarët duhet të jenë më shumë të kënaqur edhe pse me zemër të thyer, nëse Kryeministri i djeg PD-së edhe këtë garë elektorale; Ndryshe, vendimi i paimagjinueshëm i Gjykatës së Apelit do të jetë tragjik për Shqipërinë!
Ti vësh zjarrin atdheut vetëm me demokraci nuk ka të bëjë, dhe, përmbushë në tërësi synimet e Edi Ramës përmes një vendimi të Gjykatës së Apelit.
Urojmë që Kryetari i PD, Sali Berisha, të mos dëgjoj këshillën e atij që e cilëson, analistë të mrekullueshëm, Andi Bushati: “Kjo opozitë e bashkuar e ka të pamundur të mund Edi Ramën e jo më një opozitë të copëzuar. Mendoj se Rama rrëzohet, vetëm nëpërmjet rrugës së destabilitetit.”
