Drejt një kandidati të vetëm, Berisha: Primaret do vendosin, jo Kryetari me Kryesinë!

Kryetari i Partisë Demokratike, Sali Berisha, sot e bëri të qartë se opozita po shkon drejt një kandidati të përbashkët për zgjedhjet lokale dhe do jenë primaret ato që do vendosin dhe jo Kryetari me Kryesinë!

“Do jenë primaret që do vendosin, jo kryesia dhe kryetari. Çdo deputet që dëshiron të kandidojë, është i ftuar të kandidojë. Janë bërë takime dhe do bëhen takime. Zoti Paloka po merret intensivisht me këtë. Por jo vetëm ai. Janë të hapura të gjitha dyert e komunikimit. Kjo ftesa ime publike është rasti i fundit. Ne mirëpresim çdo lloj sugjerimi.” tha Kryetari i Partisë Demokratike, Sali Berisha, dhe përveç takimeve që zhvilloj me Aleatët tha se do takoj të gjitha forcat politike që kanë pasur aktivitet elektoral por që nuk janë në parlament, në përpjekje për të gjetur një zgjidhje për të shkuar në një front të përbashkët në zgjedhje ndërsa përfundoi:

“Nuk është kjo një garë që e trajton lidershipi i PD. Kjo është një garë që e përcaktojnë primaret. Ne premtuan se do sjellim ndryshimin. Në këto primare do votojnë edhe simpatizantët. U kërkova edhe aleatëve që të bëjnë lista dhe të votojnë edhe anëtarët e tyre me barazi të plotë.”

Deklaratë:

Kam takuar zotin Ilir Meta dhe Petrit Vasili. Kam takuar edhe kryetarët e partive opozitare, zotin Mediu, Dule, Duka dhe Dashamir Shehi.

Konstatoj që realisht po ecet drejt një kandidati të vetëm.

Unë falënderoj të gjithë bashkëbiseduesit, të gjithë aleatët për qëllimet e tyre pozitive që opozita të paraqitet në këto zgjedhje me një kandidat të vetëm.

Ndërkohë gjatë ditëve në vijim, do takoj të gjithë forcat politike që kanë pasur aktivitet elektoral, por që nuk janë në parlament. Edhe me ata do përpiqem të gjej një zgjidhje që të shkohet me një front të përbashkët në zgjedhje.

Çdo deputet është i ftuar të kandidojë po të dojë, dhe të inkurajojë të tjerë të kandidojë. Ju garantoj se kryesia, përveç rasteve të jashtëzakonshme, nuk do bëjë përzgjedhje eliminuese, por do jenë primaret. 

Ne kemi premtuar ndryshimin, ne do sjellim ndryshimin.

Do jenë primaret që do vendosin, jo kryesia dhe kryetari. Çdo deputet që dëshiron të kandidojë, është i ftuar të kandidojë.

Janë bërë takime dhe do bëhen takime. Zoti Paloka po merret intensivisht me këtë. Por jo vetëm ai. Janë të hapura të gjitha dyert e komunikimit. Kjo ftesa ime publike është rasti i fundit. Ne mirëpresim çdo lloj sugjerimi.

Nuk është kjo një garë që e trajton lidershipi i PD. Kjo është një garë që e përcaktojnë primaret. Ne premtuan se do sjellim ndryshimin. Në këto primare do votojnë edhe simpatizantët. U kërkova edhe aleatëve që të bëjnë lista dhe të votojnë edhe anëtarët e tyre me barazi të plotë.