“Kosova është Evropë”, deputeti i Ukrainës: Kosova të pranohet në Këshillin e Evropës!

Përfaqësuesi i Ukrainës në Asamblenë Parlamentare të Këshillit të Evropës, Oleksiy Goncharenko, ka bërë thirrje që të pranohet Kosova në Këshillin e Evropës.

“Dua ta them këtë veçanërisht për Kosovën. Kosova duhet të njihet nga të gjitha vendet anëtare të Këshillit të Evropës. Aktualisht, 12 vende anëtare nuk e kanë njohur dhe po ju adresohem juve. Ju lutem njiheni këtë vend si vend të pavarur, ashtu siç kanë luftuar për këtë gjë, për të ardhmen e tyre për pavarësinë e tyre. Ata duhet të ulen këtu së bashku me neve, ata duhet të jenë pjesë e Këshillit të Evropës, vetëm kështu, ne mund të jemi më të fuqishëm dhe ky vend gjithashtu do të lulëzojë,” tha Oleksiy Goncharenko duke rikujtuar se ishte ai që ka sponzorizuar projektligjin në Parlamentin e Ukrainës për ta mbështetur dhe pranuar pavarësinë e Kosovës ndërsa i bëri thirrje shteteve anëtare të Këshillit të Evropës që ta bëjnë këtë dhe bashkërisht të lëvizin përpara.

“Jam i sigurt se këto vende mund të jenë pjesë e fuqishme e projektit tonë të përbashkët e të fuqishëm por për të arritur këtë, ne duhet të punojmë. Dua t’ua rikujtoj që jo vetëm Bota e Lirë është e bashkuar, ‘Bota jo e lirë’ gjithashtu është e bashkuar, vetëm para një jave u zgjova në vendlindjen time në Odesë, nga shpërthimet që ndodhën vetëm 500 metra tutje nga dronët iranianë, pra kjo është një shenjë se sot ne kemi një luftë në mes të Botës së Lirë dhe Botës jo të Lirë Pra, ta përkrahim Botën e Lirë,” tha Oleksiy Goncharenko qëi është dhe Nënkryetar i Komitetit të për Migracion, Refugjatët dhe Personat e Zhvendosur, pranë Këshillit të Evropës, duke përsëritur se duhet të përkrahet Ballkani Perëndimor ndërsa përfundoi:

“Kosova është Evropë!”

Kosova është Evropë!

A powerful speech from MP @GoncharenkoUa on Kosovo's right to sit amongst fellow Europeans at the Council of Europe.

Kosovo and Ukraine both stand on the side of freedom, democracy and human rights. ???? pic.twitter.com/e8MPP1QXiA

— Vjosa Osmani (@VjosaOsmaniPRKS) October 11, 2022

Ndaj këtij fjalimi të Përfaqësuesit të Ukrainës në Asamblenë Parlamentare të Këshillit të Evropës, Oleksiy Goncharenko, ka reaguar Presidentja e Kosovës, Vjosa Osmani, përmes rrjetit social Twitter:

“Kosova është Evropë! Një fjalim i fuqishëm nga deputeti GoncharenkoUa. Mbi të drejtën e Kosovës për t’u ulur në mesin e kolegëve evropianë në Këshillin e Evropës,” thekson Vjosa Osmani duke përfunduar:

“Kosova dhe Ukraina qëndrojnë në anën e lirisë, demokracisë dhe të drejtave të njeriut!”