Bashkimi i PD, Berisha: Në zgjedhje me një kandidat, do të fitojmë!

Duke u përulur me nderimin më të thellë para demokratëve të Bushatit, Vaut të Dejës, dhe gjithë kësaj zone për mbështetjen e tyre të palëkundur që i kanë dhënë Partisë Demokratike nga dita e themelimit të saj deri më sot, Kryetari i PD, Sali Berisha, ndërsa bëri një panoramë për gjendjen dramatike në të cilën ndodhet Shqipëria e drejtuar nga Kryeministri Edi Rama, ai foli për rrugëzgjidhjen e bashkimit të PD dhe strategjinë e përgatitur për zgjedhjet lokale 2023.

“Në një kohë kur ky vend, përsa i përket pasurive natyrore, është i bekuar, kur nuk ka tokë kund më pjellore se toka e Bushatit dhe nuk ka njerëz më punëtorë se ju në tokën tuaj, djemtë e vajzat tuaja largohen dhe nuk arrijnë ëndrrat e tyre të bukura t’i ndërtojnë në Bushat, t’i ndërtojnë në Shqipëri. Pse kjo? Kjo ka një faktor më kryesorin: ekonominë në rrënim, varëfrinë në rritje dhe e gjitha kjo është jo e sjellë nga Zoti, as nga natyra, por nga dora dhe mendja e mbrapshtë e njeriut që qeveris sot. Është gjithçka e diktuar nga kjo qeveri. Sepse së pari, vjedh nga mëngjesi deri në darkë,” Sali Berisha duke folur për shkatërrimin që i bëri ekonomisë shqiptare, fermeti pa mbështetje, krizën e sajuar energjetike ashtu si dhe manipulimin me çmimin e karburanteve ndërsa të pashmangshëm ishin dhe 3 inceneratorët të cilët kanë kushtuar 420 milionë euro.

“Si mundet që një shtet që ka shpallur në kërkim, Zoton, Gugallen dhe Mërtirin dhe atyre u disbursohen çdo javë milionat e eurove. Në fakt ato u disburbohen Edi Ramës, Engjëllë Agaçit, Arben Ahmetaj, Erion Veliajt. E patë hetimin që bëtë. E morën deputetin socialist, Alqi Bllako, ishte sekretari i Përgjithshëm i Ministrisë së Mjedisit, nuk ka qenë i parëndësishëm, njeriu i firmës, e vunë nën hetim për çmimin e truallit dhe tani e dërguan në shtëpi. E liruan.

Po pse, sepse ai tha o më lironi ose do të flas. Ka ndërhyrje të fuqishme nga qeveria për lirimin e tij. Prandaj paratë nuk dalin as për të rritur rrogat, as për të rritur pensionet apo për të ju subvencionuar ju,” tha kreu i demokratëve ndërsa për krizën energjetike për të cilën alarmon Kryeministri ai sqaroi se vitin e kaluar Shqipëria prodhoi energji sa për të eksportuar 2 miliardë KW, prodhuam 9 miliardë KW. Çfarë përfituan qytetarët? Rritjen e çmimit. Bizneset përfituan rritjen absurde të rritjes së çmimit të energjisë.

“Bëri gati fashon 800 siç i thotë ai, për të ndëshkuar mbarë popullatën. Por pse?  Vetëm se vjedhin, vjedhin dhe vetëm vjedhin. Në kohën kur energjinë duhet ta ruajnë në kaaskadë, ata hapin kaskadën dhe e shesin tek agjentë tregëtare shqiptarë. Brenda ndërmarrjeve të tyre. Ua shesin me një çmin qesharak. 40 euro MË dhe ky këtë energji e shet në bursë 130 Eruo, 200 euro. Dhe paratë I ndan me qeveritarët. Pra kush e paguan faturën? Qytetarët,” tha kryedemokrati duke hedhur poshtë dheh propagandën e Edi Ramës se kriza energjetike na vjenë nga lufta në Ukrainë:

“Nuk ka asnjë lidhje çmimi i energjisë me luftën. Ne jemi një vend që 99% të energjisë e kemi nga ujërat, që nuk ndikohet në Shqipëri, absolutisht asnjë lidhje nga lufta në Ukrainë. Ne jemi një vend që 99% të energjisë elektrike e kemi nga ujrat tona që nuk ndikohen as nga bombardimet ruse dhe as nga ndonjë faktor tjetër. Por ne ndikohemi në mënyrë të tmerrshme nga vjedhjet që bën qeveria me energji.”

Vjedhje, jo vetëm me energji, por edhe naftë:

“Ne prodhojmë 1 milion ton naftë në vit, ne prodhojmë më shumë seç konsulojmë. Megjithatë ne kemi naftën  me të lartë sa Zvicra dhe Suedia, të cilët kanë të ardhura shumë herë më shumë se ne. Po pse e kemi ne, e kemi sepse Edi Rama ka vendosur mbi naftën taksën më absurde, një taksë e cila është e barabartë me çmimin që shitet në pompat e naftës në SHBA dhe Kanada, 1.2 euro.

Përveç kësaj, 250 mijë ton naftë futet kontrabandë. Absolutisht çdo ton e fut vetëm qeveria. Nuk mund të bësh kontrabandë nafte, po nuk e bëri qeveria. Nafta hyn me anije, hyn me peshkarexhat e qeverisë, shkarkohet në portin e qeverisë dhe shqiptarët e paguajnë naftën me çmimin më të lartë,” tha Berisha duke shtuar se të gjitha këto janë një apel për ne, që të bashkohemi për ti prerë sa më parë biletën kësaj qeverie. Tani edhe një gjë, Bushatin, Shkodrën, Shqipërinë e kanë bërë shqiptarët që e duan Shqipërinë.

Ndërkohë që mbështetësit e Lulzim Bashës vazhdojnë trumbetimin për bashkimin e PD dhe bëjnë sikur e kanë hedhur topin në fushën e palës tjetër, Kryetari i PD ishte i qartë edhe për këtë pikë:

“Ne po ecim drejt zgjedhjeve. Këto zgjedhje kanë një rëndësi kritike për ne dhe për vendin. Kemi vendosur norma demokratike. Cilat janë këto? Vota juaj do përcaktojë deputetin, kryetarin e partisë, kryetarin e bashkisë dhe çdo gjë. Sot i kemi dhënë fund kryetarokracisë dhe kemi vendosur vullnetin tuaj,kemi vendosur  të anëtarëve të PD në vendimmarrje, në piedestal.

Në këto zgjedhje që do të votoni për më të mirin tuaj, ne do të japim mundësi të votojnë edhe simpatizantët tanë. Por kush do ti përcaktojë ata? Do ti përcaktoni ju vetë, jo ne. Asnjë simpatizant nuk do të përcaktohet nga kryetari dhe as nga kryetari i partisë këtu. Të gjithë do të regjistrohen nga ju, nga seksioni i PD-së.

Ju i njihni ata, ju bashkëpunoni me ta, ju keni një jetë të tërë me ta, ju keni besimin me ta. Kjo na bën ne një forcë politike shumë më të fuqishme. Ne besojmë te vota se vota është vullneti i lirë,” tha Kryetari i Partisë Demokratike duke siguruar se në zgjedhjet lokale PD do jetë e bashkuar:

“Në këto zgjedhje ne shkojmë me një praktikë të re, shkojmë të bashkuar.  Ju garantoj se do të bëjmë gjithçka për bashkimin e plotë të PD në të gjitha aspektet. Do të bëjmë gjithçka për bashkimin e plotë të opozitës shqiptare, të shkojmë në zgjedhje me një kandidat dhe të fitojmë zgjedhjet e ardhshme siç e meritojmë,” garantoi Kryetari i PD, Sali Berisha, derisa u shpreh mirënjohës para demokratëve të Vaut të Dejës për mbështetjen që i kanë dhënë PD-së, e përmbylli pas shumë diskutimesh me konstatimin se Shqipëria është në një udhëkryq të rrezikshëm:

“Ne sot jemi në një udhëkryq të rrezikshëm. Të gjitha diskutimet tuaja, çështjet që ju shtruat, janë të vërteta të pamohueshme, të cilat duhet të marrin përgjigje të plotë dhe të shpejtë. Shqiptarët presin nga ne demokratët, shpëtimin e Shqipërisë nga kjo rrokullisje e madhe.

Për këtë qëllim ne kemi dy mjete kryesore.

Së pari duhet të angazhohemi në një dialog, bisedim, me çdo njeri që mendon diçka më ndryshe se ne. Me çdo njeri që akoma nuk ka besim të plotë në rrugën e ndjekim. Me çdo njeri që është i zhytur në dëshpërim dhe thotë se ky vend nuk bëhet, dhe ta ftojmë të bashkohet me ne. Ta garantojmë se kauza jonë, do të jetë dhe kauza e tij. Sepse ne nuk kemi objektiv më madhor se mirëqënien, lirinë dhe dinjitetin e shqiptarëve.

Ne duhet të bëjmë gjithçka së bashku për të shpëtuar Shqipërinë nga ky rrezik i madh, që është Edi Rama dhe qeveria e tij. Ne duhet të kombinojmë takimet tona të përditshme. Secili prej jush një kohë të lirë që ka në ditë, duhet të ja kushtojnë bisedës me bashkëqytetarët.

Kjo është njëra anë.

Protesta dhe vetëm protesta do të jetë arma jonë që do të gjunjëzojë Edi Ramën, do ta bëjë të dridhet regjimi i tij absolutar. Regjim që ka vendosur sot një pushtet në duart e veta, më shumë seç kishte Ramiz Aliaj në Shkurt të vitit 1991.

Ky njeri sot kontrollon çdo gjë, kontrollon parlamentin, drejtësinë, policinë, SHISH, presidencën, çdo institucion. Ky në fakt ka pushtet aq sa kishte Enver Hoxha në kohën e tij, natyrisht nuk ka burgjet dhe kampet e përqendrimit, por ka shndërruar Shqipërinë në një vend ku të rinjtë e të cilit besojnë se vendi nuk bëhet dhe ikin natën e ditën, ikin masivisht.

Ndaj detyrimi ynë bëhet më i madh në protesta të fuqishme gjer në largimin e tij nga pushteti. Detyrimi ynë bëhet më i madh, ti tregojmë vendin një njeri që mburret se bën kontrabandë. Një njeri që çdo ditë kalon nga një skandal në një tjetër. Në Itali me mburrje thoshte se bëra kontrabandë me ministrin e Jashtëm të Italisë. Mor zotëri, kontrabanda cilidoqoftë është krim. Në Shqipëri, Itali dhe çdo vend të botës. Dhe ke kryer një krim.

E ke filluar jetën me kontrabandë ikonash, vazhdon me kontrabandë vaksinash. Nëse qeveria italiane na i dha dhuratë dhe unë e besoj plotësisht, pse ua shite shqiptarëve sa frëngu pulën vaksinat e marra dhuratë.

Pra njeri që ka humbur çdo lloj norme, morali, njeri që përdor drejtësinë. Sa herë thërrasin Zef Hilën pa pasur asnjë çështje, pa i paraqitur dot asnjë akuzë. As në diktaturë nuk ndodhte kështu. Po të thërriste hetuesi, e trillonte e shpikte e bënte akuzën.

Këta të thërrasin vetëm për presion, në një kohë kur ata që kanë vjedhur qindra e qindra milionë me në krye Edi Ramën, ata që janë implikuar në aferat më kriminale me lobe.

Edi Rama vetë është në hetim ndërkombëtar, e dëgjuar çështjen e atij që vinte e stërviste policinë shqiptare, mik i ngushtë i Edi Ramës, me një hetim bashkë me Edi Ramën nga FBI. Nuk është vetëm kjo çështje.

Janë një seri çështjes dhe ky tallet me fatin e shqiptarëve, tallet me fatin e të rinjve tanë. Nuk duhet toleruar më tej ky.

Do të vijë momenti, me të madh e të vogël, në 7 e 70 të gjithë në Tiranë për rrëzimin e tij.

E mbyll këtë fjalë, duke u zotuar para jush se të gjitha problemet që shtruar, qoftë të pensioneve, pallateve të HEC, subvencionet e naftës dhe bujqësisë, problemet e shërbimit shëndetësor, të gjitha problemet që ngritët në këtë takim do të marrin përgjigjen më të merituar nga programi i PD.

Por fillimisht duhet të largojmë këtë të keqe të madhe, këtë gjëmë të vërtetë që i ka rënë Shqipërisë dhe shqiptarëve dhe që e ka emrin, Edi Rama.

Faleminderit shumë, rrofshin banorët e Vaut të Dejës, rroftë Shqipëria.”