Bloomberg: Amerika po shkon drejt recesionit

Brenda 12 muajve SHBA me siguri se do zhytet në recesion, tregojnë projeksionet e reja të Bloomberg. Kjo është në kundërshtim të plotë me mesazhet e Presidentit të Shteteve të Bashkuara, Joe Biden, në prag të zgjedhjeve të nëntorit.

Modelet më të reja të probabilitetit të recesionit që janë përpunuar nga ekonomistet e Bloomberg, Anna Wong dhe Eliza Winger, parashikojnë probabilitet më të madh të recesionit në të gjitha periudhat kohore, deri sa vlerësimi 12-mujor i recesionit deri në tetorin e vitit 2023 është 100 për qind, derisa herën fundit parashikimi ishte 65 për qind.

Deri sa mundësitë e recesionit brenda 12 muajve kanë arritur deri në 100 për qind, mundësitë që recesioni të filloi më herët gjthashtu janë rritur. Modeli parashikon probabilitetin e recesionit në afat prej 11 muajve deri në 73 për qind, që është një rritje prej 30 për qind në krahasim me parashikimin e fundit, e probabiliteti 10-mujor është rritur në 25 për qind nga 0 për qind sa ishte.

Ky parashikim është një lajm i keq për Bidenin, i cili thekson se SHBA do ti ikë recesionit, dhe nëse kjo ndodhë. do jetë i butë. Me këtë konstatim ai dëshiron të bindë qytetarët e SHBA se ekonomia po shkon mirë nën drejtimin e administratës së tij. Por rritja e normave të interesit dhe inflacioni përgënjeshtrojnë deklaratat e tij.

Modeli është më i sigurt në recesion se sa parashikimit tjera. Sondazhi i Bloomberg, ku janë përfshirë 42 ekonomistë, parashikon që probabiliteti i recesionit në 12 muajt e ardhshëm është 60 për qind, në krahasim me 50 për qind sa ishte një muaj më parë.

Ekonomia është çështja kryesore politike për shtetasit amerikanë për momentin, tregojnë sondazhet, e zgjedhjet për Senat dhe Dhomën e Përfaqësuesve do të zhvillohen pas tre javësh. Informacionet se SHBA e pret recesioni do të dëmtojnë demokratët, do të ulin ndikimin në Senat dhe Dhomën e Përfaqësuesve si dhe të vetë Bidenit.

Edhe pse të dhënat për punësim janë shumë të mira, rritja e inflacionit është gjithsesi shqetësimi më i madh i një qytetari mesatar në SHBA.

Presidenti nuk ka ndikim të madh as në punësim, e në veçanti rritjen e çmimeve, por për përkeqësimin e treguesve makroekonomik fajësimi standard është ai i presidentit aktual dhe administratës së tij.