Betimi, Italia me Qeveri dhe Kryeministre të re

Sot Kryeministrja e re, Giorgia Meloni, dhe 24 ministrat e kabinetit të saj janë betuar përpara Presidentit të Italisë, Sergio Matarella, duke hyrë në histori dhe si ekzekutivi i parë italian që kryesohet nga një grua.

Partnerët e koalicionit, Giorgia Meloni e “Vëllezërit e Italisë”, Silvio Berlusconi i “Forza Italia” dhe Matteo Salvini i “Lega Nord”, u takuan me Presidentin e Italisë, Sergio Mattarella, në pallatin presidencial ku pranoi dhe listën e ministrave të kabinetit të ardhshëm qeveritar.

Pas takimit, Meloni tha se koalicioni i tregoi presidentit se ajo ishte gati të merrte mandatin për të qeverisur.

Giorgia Meloni dhe aleatët e saj do përballen me disa sfida duke filluar nga rritja e çmimeve të energjisë, lufta në Ukrainë dhe një recesion i mundshëm ekonomik.

Ndryshe, “Vëllezërit e Italisë”, Silvio Berlusconi i “Forza Italia” dhe Matteo Salvini i “Lega Nord”,  në zgjedhjet parlamentare që u zhvilluan në shtator, siguruan shumicën absolute në të dyja dhomat e parlamentit. “Vëllezërit e Italisë” ishte partia e parë e cila mori besimin e 26 për qind të qytetarëve italianë me të drejtë vote.