Video/ Shqiptarët e Luginës së Preshevës mobilizohen për regjistrim

Pas dy dekadash, shqiptarët e Luginës së Preshevës po marrin pjesë në regjistrimin e popullsisë. Zyrtarët që po kryejnë procesin, flasin për interesim të madh për t’u regjistruar. Sa më shumë që të dalin në numër, aq më të mëdha do të jenë gjasat për përmirësimin e jetesës së tyre, thonë përfaqësuesit politikë të Luginës, e cila gjendet në pjesën jugore të Serbisë.

Ndryshe, shqiptarët aktual qeverisin në Preshevë dhe Bujanoc ndërsa fuqinë politike në Medvegjë e humbën vite më parë.

Në bazë të një vlerësimi të OSBE nga viti 2015, në Preshevë, Bujanoc e Medvegjë, janë rreth 60 mijë shqiptarë të regjistruar, Prej tyre, sipas subjekteve politike dhe organizatave joqeveritare nga Lugina e Preshevës, rreth 20 mijë shqiptarë kanë migruar në Kosovë për arsye të ndryshme.

Enti i Statistikave të Serbisë pritet ti publikoj të dhënat paraprake të regjistrimit më 30 Nëntor 2022 ndërsa të dhënat përfundimtare do të publikohen pjesë-pjesë, duke filluar nga muaji mars ose prill i vitit të ardhshëm./RFE/