Tjetërsimi i pronave në Shëngjin, Gjykata dënon Ish-Kryetarin e Bashkisë Lezhë me 3 vite burg

Ish-Kryetari i Bashkisë Lezhë, Fran Frrokaj dhe Ish-Kryetari i Qarkut, Gjok Ndoka, janë dënuar nga Gjykata e Apelit në Shkodër me nga 3 vite burg, ndërsa u gjetën fajtorë edhe 15 zyrtarë e qytetarë të përfshirë në tjetërsimin e 234 mijë metrave tokë në bregdetin e Ranës së Hedhun në Shëngjin.

Hetimet për tjetërsimin e pronave në zonën e Ranës së Hedhun në Shëngjin kanë nisur në vitin 2017-të, kur në prokurori u denoncua tjetërsimi i i 234 mijë e 548 metër katrore tokë shtetërore ranishte.

Fillimisht në këtë çështje së bashku me kryebashkiakun u arrestuan edhe 22 persona të tjerë, por në Gjykatën e Shkallës së Parë në Lezhë përfunduan 18 persona, prej të cilëve vetëm një u shpall i pafajshëm.