Reforma territoriale, PS rrëzon PD, Ylli Asllani: Kulisa paraelektorale të Edi Ramës!
Pas rrëzimit të propozimit të Partistë Demokratike për Reformën Territoriale nga ana e Partisë Socialiste ka reaguar PD përmes Sekretarit për Pushtetin Vendor, Ylli Asllani, duke theksuar se qëndrimi denigrues i PS-së ndaj përpjekjeve për përmirësimin e hartës territoriale përmes Taulant Ballës, ishte shprehje e përbuzjes së Rilindjes ndaj interesave jetike të qytetarëve.
“Partia Demokratike është e vetëdijshme për falsitetin dhe kulisat paraelektorale të Edi Ramës, e vetëdijshme se ajo do ta rrëzonte propozimin tonë. Kjo dijeni nuk na pengoi dhe nuk do të na pengojë për të paraqitur alternativën tonë,” tha Ylli Asllani duke shtuar se angazhimi i PD në përgatitjen e një projektligji për përmirësimin e Reformës administrative territorial, u krye në respekt të pritshmërive të qytetarëve për të ndryshuar katastrofën që shkaktoi ndarja territoriale e vitit 2014.
“Ne nuk kemi patur, dhe nuk kemi besim, se Edi Rama do të ofrojë vullnet politik për të mirën e qytetarëve dhe reformave që përmirësojnë jetën e tyre. Në prag të fushatës për zgjedhjet vendore, PD ofroi një alternativë në interes të shërbimit publik, zhvillimit rajonal dhe të vendit,” sqaroi Sekretari për Pushtetin Vendor pranë PD, Ylli Asllani, duke i bërë thirrje qytetarëve
“Më 12 nëntor, të na bashkohen përballë arrogancës së pushtetit, dhe rrezikut që Rama dhe klika e tij përbëjnë për Shqipërinë.
Deklaratë:
Qëndrimi denigrues i PS-së ndaj përpjekjeve të PD për përmirësimin e hartës territoriale, nëpërmjet Taulant Ballës, ishte shprehje e përbuzjes së Rilindjes ndaj interesave jetike të qytetarëve.
Partia Demokratike është e vetëdijshme për falsitetin dhe kulisat paraelektorale të Edi Ramës, e vetëdijshme se ajo do ta rrëzonte propozimin tonë.
Kjo dijeni nuk na pengoi dhe nuk do të na pengojë për të paraqitur alternativën tonë.
Angazhimi i PD në përgatitjen e një projektligji për përmirësimin e Reformës administrative territorial, u krye jo si qëllim politik në vetvete, por në respekt të pritshmërive të qytetarëve për të ndryshuar katastrofën që shkaktoi ndarja territoriale e vitit 2014.
PD ka qenë dhe ngelet e vetëdijshme për pasojat e hidhura të bojkotit të ish-kryetarit në hartimin e hartës administrative të vitit 2014, dhe në përdorimin politik që Edi Rama i bëri këtij bojkoti në dëm të shqiptarëve.
Ne nuk kemi patur, dhe nuk kemi besim, se Edi Rama do të ofrojë vullnet politik për të mirën e qytetarëve dhe reformave që përmirësojnë jetën e tyre.
Në prag të fushatës për zgjedhjet vendore, PD ofroi një alternativë në interes të shërbimit publik, zhvillimit rajonal dhe të vendit.
Ne theksojmë një fakt kur themi se reforma e PS ka rënë pikërisht në katër shtyllat kryesore mbi të cilat u ngrit:
1. Dështoi në rritjen e eficiencës ekonomike të njësive të reja.
2. Solli centralizim të pushtetit te kryebashkiakeve duke shkatëruar decentralizimin dhe forcimin e vetëqeverisjes vendore.
3. Goditi përfaqësimin e qytetarëve në bashkëqeverisje, demokracinë vendore dhe llogaridhënien.
4. Dështoi në nxitjen e zhvillimit ekonomiko- social dhe zbutjen e varfërisë. Pasojat:
– Shpopullim masiv i territorit të vendit;
– Kolaps dhe falimentim i bashkive;
– Shembja e demokracisë vendore, llogaridhënies dhe rilindja e korrupsionit masiv;
– Shërbime publike të pambuluara financiarisht e larg qytetarit dhe kërkesave të komunitetit. • Falimentime të Shërbimit të ujësjellësve dhe kanalizimeve;
– Korrupsion masiv në menaxhimin e mbetjeve të ngurta dhe ato urbane;
– Dorëzimin para rreziqeve të zjarreve dhe përmbytjeve;
– Falimentimi i fermerëve dhe aktiviteteve agroindustrial.
Sa kohë kjo ndarje administrative vazhdon, pasojat i vuajnë qytetarët.
Ne u bëjmë thirje të na bashkohen më 12 nëntor përballë arrogancës së pushtetit, dhe rrezikut që Rama dhe klika e tij përbëjnë për Shqipërinë.
