Tropojë, një qytetar që guxoi ti thotë në sy “Rama ik!” acaroi Kryeministrin: Merreni përcilleni!

Nga momenti që arriti të përçajë Partinë Demokratike, Kryeministri Edi Rama prej më shumë se një viti po i përdor veriorët kundër Kryetarit të PD, Sali Berisha; Por sot që doli vetëm një ta kundërshtoi në sy gjatë takimit të tij me qytetarët në Tropojë, ai nuk duroi dhe urdhëroi organet e sigurisë ta shoqërojnë!

“Deri në 2025 do të kemi 100% të prodhimit për të përmbushur nevojat tona. Deri në 2029 Shqipëria do të jetë sovrane dhe nuk do të duhet më të blejë energji dhe vetëm do ta shesë jashtë pasi të ketë plotësuar nevojat e veta. Ky është një hap i rëndësishëm për të cilin ne po vazhdojmë të punojmë. Pjesa tjetër e kësaj situatë është mbështetja për njerëzit, pasi inflacioni i luftës i ka prekur të gjithë dhe të gjithë duan mbështetje. Dhe faktikisht pagat e të gjithëve janë rritur,” tha Edi Rama duke iu kthyer fjalori të zakonshëm ordiner kundër Parisë Demokratike:

“Nuk mundet që mjedisi ynë politik publik të ndahet mes atyre që flasin në gjuhën e Europës dhe atyre që flasin në gjuhën e Kremlinit. E folura në gjuhën e Kremlinit nuk është vetëm nga etja për pushtet , se na erdhi momenti tani që situata ekonomike është vështirësuar, e keqa nuk është vetëm kaq. Tani janë edhe rublat,” tha Kryeministri Edi Rama ndërsa nga salla u dëgjua një zë:

Qytetari: Rama ik

Rama: Lali ne jemi këtu tani për të bërë një bashkëbisedim ti je në ndikimin e lëndëve helmues e luftarake. Merreni përcilleni.

Gjithsesi, sot Tropoja kaloi mirë, mirë që Kryeministri Edi Rama nuk e thirri NATO-n, ashtu siç paralajmëroi më 12 Nëntor!