Media serbe: Në 54 sekonda, Lista Srpska mashtroi serbët dhe iu betua Kosovës së pavarur

Për vetëm dy javë, Lista Srpska arriti të bëjë një kthesë të paparë, e denjë për një dramë të regjisorëve më të mirë botëror. Përkatësisht, për vetëm dy javë, pra prej 5 deri më 17 nëntor, anëtarët e Listës Srpska nga veriu i Kosovës, kaluan rrugëtimin nga performanca para kamerave, kur policët hoqën uniformat në shenjë revolte, dhe deri te betimi solemn në Parlamentin e Kosovës, ku sot verifikuan mandatet për deputetë të rinj të Listës Srpska, raporton Nova TV.

Po japim të plotë tekstin e medias serbe “Nova” e cila e trajton këtë mashtrim të Listës Srpska, nga braktisja e institucioneve kosovare deri tek betimi para institucionit kryesor në këtë shtet nga deputetët e po kësaj Liste, Parlamentit të Kosovës!

Mashtrimi

Kishte diçka të rreme, paksa të inskenuar kur policët vendosën të hiqnin uniformat dhe me zë të thonin para kamerave: “Mjaft ishte!”. Ata ishin ngopur që të mos jenë të respektuar nga askush, që serbët po shtypen, ndërsa përfaqësuesit e Kosovës me vendosmëri refuzojnë të gjitha kërkesat e tyre.

Me mbështetjen në hestje të Beogradit, i cili premtoi ndihmë financiare për një vendim të tillë, Lista Srpska bëri publike vendimin për largimin nga të gjitha institucionet, përfshirë pushtetin ekzekutiv, policinë dhe gjyqësorin, dhe do ta kthejë situatën në periudhën para Marrëveshjes së Brukselit, e cila u firmos në vitin 2013.

Institucionet i braktisën me premtimin se aty nuk do të kthehen derisa Prishtina të fillojë të respektojë marrëveshjet e dakordësuara, që do të thotë, derisa të tërheqë vendimet për riregjistrimin e makinave dhe derisa të formohet Asociacioni i komunave me shumicë serbe në përputhje me Marrëveshjen e Brukselit.

Për pak ditë u kthyem 10 vjet mbrapa, që ishte një lëvizje radikale e denjë për vëmendjen e mediave botërore, por dhe interesimin e Bashkimit Evropian dhe Shteteve të Bashkuara. Qytetarët besuan se kjo ishte një kthesë e madhe politike me pasoja të mëdha, por çfarë mund të thuhet për periudhën 5-17 nëntor.

Në më pak se dy javë, që kur i thamë “Jo-në historike Kurtit”, u kthyem me kokën lartë për t’u betuar para institucionit më të rëndësishëm në Kosovë. Aq zgjati patriotizmi i Listës Srpska. Në fakt, ky patriotizëm, përkatësht parimi u shkatërrua për vetëm 54 sekonda, sa zgjati betimi solemn i deputetëve të Listës Srpska.

“Unë, deputeti i Parlamentit të Republikës së Kosovës, betohem se do ta kryej detyrën time me nder dhe përkushtim dhe do ta përfaqësoj popullin me dinjitet, se do të punoj në interes të Kosovës dhe të gjithë shtetasëve të saj, do të punoj për mbrojtjen dhe respektimin e kushtetutshmërinë dhe ligjshmërisë, në mbrojtjen e sovranitetit, tërësisë territoriale dhe integritetit institucional të Kosovës, në garantimin e të drejtave dhe lirive të njeriut, në përputhje me ligjet e vendit,” thuhet në tekstin e betimit që bënë deputetët e Listës Srpska.

Ish-Ministri për Kosovë, Goran Bogdanoviç, tha për “Nova.rs” se njerëzit janë të zhgënjyer me vendimin e fundit të Listës Srpska me të cilin kanë vendosur të kthehen në Parlamentin e Kosovës, ku sot bënë dhe betimin solemn.

“Ajo që bënë ata me betimin është kthim në institucione, kjo është e vetmja fjalë e duhur. Për këto 22 vite, sa zgjat kriza pas vitit 1999, ky është turpi më i madh i politikës sonë. Nëse keni marrë vendimin për të braktisur institucionet, dhe keni mbështetjen e 99 për qind të popullit në veri të Kosovës, nuk e kuptoj se kujt i duhet një veprim i tillë. Arsyetimi që ata dhanë është më shumë se qesharak. Në këtë mënyrë nuk mund të prezantohet komuniteti serb,” sqaron Bogdanoviç për Nova.rs duke shtuar se Lista Srpska ka vënë në rrezik qytetarët serbë, ndonëse edhe vetë e ka mbështetur atë vendim.

„Moguće da oni znaju nešto što mi ne znamo, a to je da im je Beograd sugerisao na ovakvu odluku. Sve što se dešava na Kosovu i Metohiji radi se uz saglasnost Beograda, to treba uvek apostrofirati. Ovde se sada sumnja u iskrene namere Srpske liste“, zaključuje Bogdanović.

“Ka mundësi që ata të dinë diçka që ne nuk e dimë, e kjo është që Beogradi u ka sugjeruar për një vendim të këtij lloji. Gjithçka që ndodh në Kosovë bëhet me dakordësimin e Beogradit, që gjithmonë duhet apostrofuar. Këtu tani vihen në dyshim edhe synimet e sinqerta të Listës Srpska,” përfundon Bogdanoviç.

Tani të gjithë tani dyshojnë në qëllimet e Listës Srpska, sepse si mund ta ruani besueshmërinë nëse për dy muaj ndryshoni mendimin tuaj për 180 shkallë. Ky dyshim tashmë është ekziston edhe tek qytetarët që kanë lënë punën, deri sa në këmbim të këtij vendimi u ofrohet lëmoshë nga Beogradi. Në të njëjtën kohë, ndërsa presin lëmoshën dhe kanë hapur sytë drejt të ardhmes së pasigurt, shikojnë se si Lista Srspka kthehet në institucione.

Sipas fjalëve të Listës Srpska, përkatësisht siç u tha në deklaratën që dorëzuar pas këtij vendimi, mandatet janë verifikuar vetëm teknikisht për t’i “mbajtur në duar të sigurta”.

“Sot në Parlament në Prishtinë nëntë deputetë të Listës Srpska verifikuan teknikisht mandatet, duke i mbajtur në duar të sigurta, dhe menjëherë u larguan nga seanca e Parlamentit. Me vendimin e sotëm strategjik u pengua në mënyrën të drejtpërdrejtë realizimi i planit të Albin Kurtit dhe serbëve të tij të ndershëm që të ndryshojnë Kushtetutën dhe ligjet me të cilët garantohen të drejtat e popullit serb në Kosovë,” tha Lista Srpska.

Parliament of Kosovo this morning

Serbian regime affiliated Lista Srpska MP’s take the parliamentary Oath of Allegiance to the Republic of Kosovo pic.twitter.com/2E1YKMNdSz

— Mike? (@DardhaniaSacra) November 17, 2022

Përveç kësaj, Lista Srpska shfrytëzoi rastin për të sulmuar Rada Trajkoviçin.

“Dëshirojmë të theksojmë se qëllimi ynë është të mbrojmë popullin tonë, paqen dhe sigurinë, por dhe të mos lejojmë që Kurti dhe Rada Trajkoviç të qepin kapelën për popullin serb dhe të vendosin për jetët tona,” thuhet në përgjigjen e Listës Srpska.

Ishte pikërisht politikania serbe nga Kosova, Rada Trajkoviç e cila theksoi se Lista Srpska ka marrë mandate të reja për të parandaluar hyrjen e saj në Parlament.

“ Pa čim su čuli da bih ja mogla da uđem u parlament potrčali su da se vrate, da se to ne desi. Tako sam nokautirala ovog Vučića, on je potpuno poražen. Vučić je jedna obična krpa”, kazala je Trajković u izjavi za Novu.

“Sapo dëgjuan se mund të hyjë në parlament, nxituan të kthehen, që të mos ndodhë kjo. Kështu e kam rrëzuar tuç këtë Vuçiçin, ai pësoi disfatë plotësisht. Vuçiç është një leckë e rëndomtë,” tha Trajkoviç.

Në fund mbeti shija e hidhur, një shije plot mashtrime dhe premtime të rreme se tani është mjaft. Me sa duket askujt nuk i mjaftoi. Ajo performancë e 5 nëntorit ishte vetëm një pushim i vogël. Dhe midis dy pushimeve, ne duhet të mendojmë se si dhe ku do të shkojmë tutje. Dhe, ndoshta, a mund të arrijmë diku me përfaqësues të këtij lloji./Nova.rs/