“6 Dhjetori”, Berisha: Do i themi BE-së se krahas narkoshtetit të Edi Ramë është dhe një popull i tërë opozitar!

Pas sforcimit të madh që bënë asqerët e Lulzim Bashës për të cilësuar protestën e Partisë Demokratike të 6 Dhjetorit si antieuropiane dhe antiperëndimore, ndërsa patronazhistët e Edi Ramës i shtuan dhe rublat ruse, Kryetari i Partisë Demokratike, Sali Berisha, nuk u kursye sot nga mediat që Kryeministri ka nën kontroll, për tu pyetur për datën e 6 dhjetorit e cila pritet të mbahet dhe Samiti BE-Ballkani Perëndimor, pikërisht në momentin kur Berisha po fliste për politikat antilibër të Ramës.

“Është një qëndrim kryekëput pro europian, një qëndrim që synon ti thotë Europës së krahas narkoshtetit të Edi Ramës, krahas politikave të shpopullimit që shndërroi shqiptarët në kombin e gomoneve, krahas regjimit të monizmit të plotë që ka degdisur Shqipërinë 4 vende nën Vietnamin komunist për indeksin e zbatimit të ligjit,” tha Sali Berisha i bindur për vendimin e drejtë për mbajtjen e protestës në 6 Dhjetor, në kohën dhe vendin e duhur, edhe kur Tiranën e vizitojnë liderët europianë, për të cilët protesta, tha, ka dhe një mesazh:

“Pra, të rikujtojmë ne që ata vijnë në një vend që është poshtë Vietnamit për standardet e demokracisë është dhe një popull i tërë i fuqishëm opozitar, që do të mbushë sheshet e rrugët, nga e gjithë Shqipëria në mbrojtje të idealeve demokratike evropiane dhe të ëndërrës evropiane të shqiptarëve.”

Ndryshe, është e çuditshme se si lukunia e asqerëve të Lulzim Bashës reagoi pas shpalljes së vendimit nga PD për mbajtjen e protestës në 6 Dhjetor, dhe heshtën kur vetëm një ditë më parë Edi Rama mori pjesë në një konferencë në Beograd ku u diskutua sistemi i përbashkët energjetik i Ballkanit, dhe Aleksandar Vuçiç nuk kishte ftuar Kryeministrin e Kosovës, Albin Kurtin!