Anulon pjesëmarrjen në Samitin e 6 Dhjetorit, çmendet Vuçiç: “Kurti, o llum terrorist, kujdes!”
Doli të flas pas emërimit të Nenad Rashiçit si Ministër i Komuniteteve i Kosovës, dhe u hakërrue ndaj Bashkimit Evropian pse nuk kishte reaguar ndaj këtij vendimi të Albin Kurtit, por Presidenti i Serbisë, Aleksandar Vuçiç, kishte një hall shumë më të madh se sa Rashiçi e Kurti, bazuar në fjalorin që përdori në këtë dalje publike.
Madje i zemëruar me Brukselin pse nuk reagoi ndaj emërimit të Rashiçit, shefi i Ballkanit të Hapur tha se po anulon pjesëmarrjen në Samitin BE-Ballkani Perëndimor më 6 Dhjetor në Tiranë, thuase merr pjesë për hatrin e Bashkimt Evropian dhe jo projekteve që do i financoj BE, këtij shteti kriminal që përmbyti Ballkanin në gjak.
“Zgjedhja e Rashiçit, njeriut i cili mori më pak se 1 për qind, si dhe Rada Trajkoviçit që ishte në listën e tij, tregon se Kurti dëshiron të dëboj dhe zhduk serbët nga Kosova. Dhe, tani ti them ca gjëra, para deklaratës zyrtare që do bëjë pas takimit me Varhelyi, nëse realizohet,” tha Vuçiç duke folur, sipas tij, për një marrëdhënie antiserbe që tregoi BE dhe ajo që ka bërë “llumi terrorist Albin Kurti meritonte dënimin”.
“Po heshtë me muaj dhe vite, duroj marrëzitë e të gjithëve në rajon dhe botë. Ky llum terrorist duhet ta merrte dënimin e merituar nga Bashkimi Evropian. Natyrisht nuk e mori. Mori diçka që ndoshta askush nuk e kupton. Kështu sillen vazhdimisht, jo vetëm që kanë shkelur Marrëveshjen e Brukselit, të drejtën ndërkombëtare dhe të gjitha normat demokratike,” tha Aleksandar Vuçiç që i lejon vetes të emëroj jo vetëm ministra nga partitë që as nuk marrin pjesë në zgjedhje por dhe kryeministren, dhe i pengon kur këtë e bënë Albin Kurti, aq më shumë kur nuk e pyet Vuçiçin për emrin, dhe kthehet në identitet, ai krimineli që për 1 serb zotohej se do vras 100 boshnjakë e shqiptarë.
“Zgjodhën llumin më të keq serbë, nga fundi fuçisë, Rashiçin dhe Rada Trajkoviçin, nuk ka më të këqinj, që nuk kanë besimin e askujt në Serbi, por kanë besimin e Albin Kurtit dhe agjenturave perëndimore. Mendojnë se do na frikësojnë me këtë veprim. S’ka problem. Mund të shkatërroni Presidentin e Serbisë, të organizoni protesta në Serbi, të më vrisni, Por për mua Kosova e Metohia është shenjtorja më e madhe serbe, për mua Serbia është shenjtore. Më mirë të mos ekzistoj se sa t’ju jap në duar. Kjo është dhe arsyeja që askush nga Serbia nuk do të jetë në Tiranë, e ju shkoni, udhëtoni me avion, flisni marrëzira dhe llapni, të gjithë ju nga Ballkani Perëndimor,” tha Vuçiç tërësisht i çmendur duke akuzuar Bashkimin Evropian, atë BE që po e mbanë në pushtet me ndihma financiare nga më të ndryshmet, dhe sot që e kërcënon po këtë Bruksel se pa Serbinë nuk bën dot asgjë ndërkohë e panon se shteti serb është në krizë energjetike dhe do ti drejtohet kombit të shtunën.
Në fund, pas shumë fëlliqësirave serbe që nxori nga goja kishte një mesazh kërcënues për Albin Kurtin dhe Brukselin:
“Llumit terrorist i them, kujdes që të mos lëndosh asnjë serb, së bashku me kuislingët që ke zgjedhur. Sepse serbët dinë si të përgjigjen. E ju nga Evropa, turp të keni, e kjo është asgjë nga ajo që dëshiroj t’ju them!”
