Rumani, nuk ikën Presidenti, shkarkoi Kryeprokuroren kundër korrupsionit

Presidenti rumun, Klaus Johanis ka dekretuar sot kërkesën e qeverisë për  shkarkimin e Kryeprokurores  kundër korrupsionit, Laura Kodruta Kovesi, e cila kritikua për shkak të kritikave rreth reformës së kontestuar kushtetuese në kuadër  të Reformës në drejtësi.

Qeveria sot kishte parashikuar shqyrtimin e shkarkimit të mundshëm të presidentit Johanis i cili kundërshtonte shkarkimin e prokurores, por ai u tregua pragmatist dhe ruajti kolltukun e tij
“Presidenti rumun sot ka dekretuar shkarkimin e Laura Kodruta Kovesi,” ka bërë të ditur kabineti i presidentit.

Johanis thuhet se veproi në përputhje me vendimin e Gjykatës Kushtetuese i cili në fund të muajit maj urdhëroi heqjen e vetos në shkarkimin e prokurores me kërkesën e qeverisë, edhe pse opozita e kundërshtonte këtë kërkesë.
Me muaj të tërë ajo ishte në shënjestër të qeverisë socialdemokrate  sepse kishte kritikuar Reformat e sistemit të drejtësisë. Qeveria propozoi shkarkimin e saj por presidenti Johanis fillimisht e e kundërshtoi. Më pas Qeveria kërcënoi presidentin se do të inicioi procedurën e shkarkimit të tij.
Kërkesën për shkarkimin e prokurores e kanë kritikuar edhe Komisioni Evropian dhe Këshilli Evropian duke vlerësuar se në këtë mënyrë mund të kërcënohet pavarësia e gjyqësorit.

Ndryshe, Laura Kodruta Kovesi, prokurorja të cilën mbështetësit e saj e konsiderojnë si simbol kundër korrupsionit, u emërua në vitin 2013. Në vitin 2016 Johanis i kishte vazhduar mandatin edhe për tre vjet.